| ຄຳທີ່ໃຊ້ຊອກຫາ: *ປ ຈຳນວນຄຳສັບທີ່ພົບໃນວັຈານຸກົມ: 433 ວັຈນານຸກົມພາສາລາວ ໂດຍ ມະຫາສິລາ ວີຣະວົງສ໌ (433) - ກະຣຸນາ - ກະລຸນາ
- ນ. ຄວາມອີ່ດູ, ຄວາມປະສົງ ຢາກໃຫ້ຜູ່ອື່ນພົ້ນທຸກ (ປ. ກຣຸນາ)
- ກະລິງຄະຣາດ
- ນ. ພະຣາຊະອານາຈັກແຫ່ງປະເທດກະລິງ ໃນອິນເດຍບູຮານ (ປ. ກລິງຄຣາຊ)
- ກະສິກອນ
- ນ. ຜູ່ທຳການປູກຫວ່ານ ແລະ ລ້ຽງສັດ (ປ. ກສິກຣ)
- ກະເດບໆ
- ວ. ອາການດຶບໄປ ຫລື ໂອບຂຶ້ນ ດັ່ງຄົນໂອບຂຶ້ນຕົ້ນໄມ້ ເປັນຕົ້ນ.
- ກະເພາະ
- ນ. ພຸງ, ອະໄວຍະວະ ຂອງຄົນແລະສັດ ເຊິ່ງເປັນບ່ອນໃສ່ອາຫານ ທີ່ກິນລົງໄປ (ເບິ່ງ ພຸງ ດ້ວຍ)
- ກະເລວະຣາກ - ກະເລວະລາກ
- ນ. ຊາກຄົນຕາຍ, ຮ່າງກາຍທີ່ປາສະຈາກວິນຍານ (ປ.ກເລວ ຣາກ)
- ກະໂດງ
- ນ. ເສົາສູງທີ່ຕັ້ງຢູ່ໃນເຮືອສຳເພົາ ສຳລັບຜູກ ແຜ່ນຜ້າ ເຮັດເປັນໃບໃຫ້ລົມພັດ ເພື່ອໃຫ້ເຮືອແລ່ນໄປ ດ້ວຍກຳລັງລົມ.
- ກັງສະດານ
- ນ. ຣະຄັງມົນໆ, ຄ້ອງ (ປ. ກັງສດາລ): “ຟັງຍິນ ສັງໂຄຕ້ອງ ກັງສະດານດັງມີ່ ວັດປ່າເຕົ້າສແວງເຂົ້າ ຄູ່ມະຮາມ” (ສິນໄຊ)
- ກັນນິກາ
- 1 ນ. ຍອດຊໍ່ຟ້າ, ຕຸ້ມຫູ, ຕ້າງ (ປ.). 2 ນ. ຕົ້ນໄມ້ມີດອກແນວນຶ່ງ ກາບດອກສີຂາວ ກ້ານດອກສີເຫລືອງ (ປ. ກັນນິກາ)
- ກັ່ນ
- 1 ນ. ສົ້ນຂອງດວງມີດທາງໃສ່ດ້າມ ຕັ້ງແຕ່ບ່ອນເປັນບັກໄປ, ບ່ອນບັກ, ຮອຍກ່ານອ້ອມ, ຮອຍຫມາຍ, ຂວັນດອກໄມ້, ຂາຕ້າງ ຫລື ກະຈອນ, ກັ່ນພູ ນ. ຂວັ້ນພູ, ຊື່ເຄືອໄມ້ແນວນຶ່ງ ດອກມີຣົດເຜັດ ໃຊ້ທຳຢາ. 2 ກ. ຕອງ,…
- ກາກະນິກ
- ນ. ມາດຕາເງິນອິນເດຍບູຮານ ມີຄ່າທໍ່ກັບກ້ອນຊີ້ນ ພໍກາຄາບໄປໄດ້. (ປ.)
- ກາກະບາດ
- ນ. ຕີນຂອງກາ, ເຄື່ອງຫມາຍຮູບ (+) ນີ້ (ປ. ກາກປາທ)
- ກາກີ
- 1 ນ. ກາຕົວແມ່. 2 ສີຢ່າງນຶ່ງ ເປັນສີຂຽວເມີ້ນ ຫລື ໃບໄມ້ແຫ້ງ ເອີ້ນວ່າ ສີກາກີ (ປ. ກາກີ)
- ກາຍບໍຣິຫານ - ກາຍຍະບໍລິຫານ
- ນ. ການຫັດແຮງ, ການຮັກສາຮ່າງກາຍໃຫ້ແຂງແຮງ (ປ. ກາຍປຣິຫາຣ)
- ກາສາວະ
- ນ. ຜ້າຍ້ອມນ້ຳເປືອກໄມ້ ມີສີເຫລືອງຫມົ່ນ (ປ.)
- ກາສິ
- ນ. ຕາເວັນ, ສະຖານທີ່ຮຸ່ງເຮືອງ, ຜ້າໄຫມ, ຊື່ເມືອງນຶ່ງໃນປະເທດອິນເດຍສະໄຫມບູຮານ (ປ.)
- ກາເມສຸມິດສາຈານ
- ນ. ຄວາມປະພຶດຜິດໃນກາມ (ປ. ກາເມສຸມິຈສາຈາຣ)
- ກຶດ
- 1 ຄຳນີ້ໃຊ້ຕໍ່ທ້າຍຄຳອື່ນໆ ເຊັ່ນ ມູລກຶດ (ປ. ມູລກິຕຕິ) (ເບິ່ງ ມູລກິຕຕິ). 2 ຄຳນີ້ໃຊ້ຕໍ່ທ້າຍຄຳອື່ນ ພຣະກຶດ, ພຣະກຶດຖະກອນ; ພຣະກຶດ ແມ່ນພຣະກຣິສນະ ຫລື ພຣະນາຣາຍ (ປ. ກຣິສນ)
- ກຸນຊອນ
- ນ. ຊ້າງ, ເລກ 8 (ເພາະຊ້າງປະຈຳທິດ ມີ 8 ພວກ), ດາວຊ້າງ (ປ. ກຸນຊຣ)
- ກຸມຸທະວັນ
- ນ. ປ່າດອກບົວ (ປ.)
|
ຂຶ້ນເທິງສຸດ