| ຄຳທີ່ໃຊ້ຊອກຫາ: ນ ຈຳນວນຄຳສັບທີ່ພົບໃນວັຈານຸກົມ: 1000 ວັຈນານຸກົມພາສາລາວ ໂດຍ ມະຫາສິລາ ວີຣະວົງສ໌ (1000) ໜ້າທີ: 1 2 3 4 .. 50 Next >> - ທັສນານຸຕຣິຍະ - ທັດສະນານຸດຕະລິຍະ
- ນ. ການເຫັນອັນປະເສີດ ດັ່ງ ການເຫັນທັມອັນເລິກແລບ ເປັນຕົ້ນ.
- ວັຈນານຸກົມ - ວັດຈະນານຸກົມ
- ນ. ຫນັງສືລຳດັບຄຳ, ຫນັງສືສຳລັບຊອກຄວາມຫມາຍຂອງຄຳທີ່ຈັດໄວ້ຕາມລຳດັບໂຕພະຍັນຊະນະ (ປ.)
- ວັຈນານຸກົມ - ວັດຈະນານຸກົມ:
- ນ. ຫນັງສືລຳດັບຄຳ, ຫນັງສືສຳລັບຊອກຄວາມຫມາຍຂອງຄຳທີ່ຈັດໄວ້ຕາມລຳດັບໂຕພະຍັນຊະນະ (ປ.)
- ທໍຣະນີສານ - ທໍລະນີສານ
- ນ. ຄວາມຈັງໄຮ, ເຄາະເຂັນຢ່າງໃຫຍ່.
- ສາມເນນ - ສາມມະເນນ
- ນ. ຈົວ (ປ. ສາມເນຣ)
- ກົດມຸນທຽນບານ
- ນ. ຣະບຽບກ່ຽວກັບການສືບເຊື້ອສາຍ ແລະການສເວີຍເມືອງຂອງພຣະເຈົ້າແຜ່ນດິນ.
- ທັກສິນານູປະທານ
- ນ. ການທຳບຸນຫາຜູ່ຕາຍ (ສ.)
- ສິລປະການ - ສິລປະກອນ-ສິລປະກອນ - ສິລປະກັມ
- ນ. ນາຍຊ່າງສີມື, ການຊ່າງ (ສ. ສິລປກາຣ)
- ກະມົລວັນ - ກະມົນລະວັນ
- ນ. ປ່າບົວ (ປ. ກມລວນ)
- ສິນລະປາກອນ - ສິລປາກອນ
- ນ. ບ່ອນເກີດແຫ່ງສິລປະ (ສ. ສິລປ + ອາກຣ)
- ສິລປິນ - ສິນລະປິນ
- ນ. ຜູ່ມີສິລປະ (ສ.)
- ກະນູນ
- ນ. ແມງຈຳນວນນຶ່ງ ຢູ່ໃນດິນ ມີປີກບິນໄດ້ ກິນໃບໄມ້ອ່ອນ (ຈີ່ນູນ ກໍວ່າ)
- ຫໍຣະດານ - ຫໍລະດານ
- ນ. ແຮ່ຊະນິດນຶ່ງ ປະກອບດ້ວຍທາດສານຫນູ ແລະ ມາດ ມີສີແດງອົມເຫລືອງໃຊ້ຂຽນລາຍ ແລະ ແຕ້ມຮູບເປັນຕົ້ນ ”ຫນ້າມຸ້ຍແຫ້ມ ຄືສິ່ງຫໍຣະດານ” (ສິນໄຊ)
- ກຸສິນາຣາ - ກຸສິນາລາ
- ນ. ຊື່ເມືອງນຶ່ງໃນປະເທດອິນເດຍ ເປັນເມືອງທີ່ພະພຸດທະເຈົ້ານິພານ ແຕ່ລາວອອກສຽງເປັນ ກຸສິນນາຣາຍ (ປ.)
- ກອງຫນຸນ
- ນ. ທະຫານທີ່ປົດອອກຈາກປະຈຳການ ຫລື ປົດອອກຈາກກອງເກີນ ເມື່ອອາຍຸຄົບກຳນົດ, ທະຫານທີ່ຈັດໄວ້ເພື່ອຕື່ມເຕີມ ຫລື ຜັດຜ່ຽນແນວຫນ້າ.
- ກະຫນວນ
- ນ. ຕົ້ນໄມ້ແນວນຶ່ງ ໃບນ້ອຍແລະເປັນແຫລບ ເປັນຕົ້ນໄມ້ຂະຫນາດໃຫຍ່ (ປູກຄັ່ງໃສ່ໄດ້)
- ທິຄັມພອນ - ທິຄຳພອນ
- ນ. ຊື່ນິກາຍໃນລັດທິສາສນາເຊນ ຫລື ເດັຍຣະຖີ ເຊິ່ງປະພຶດເປັນຄົນເປືອຍຄືບໍ່ນຸ່ງຫົ່ມຜ້າ ຫມາຍຄວາມວ່າ ນຸ່ງຫົ່ມຟ້າ (ປ. ທິຄັມພຣ)
- ສເມນ - ສະເໝນ
- ນ. ຊື່ພູໃຫຍ່ໃນຄັມພີໂລກສັນຖານ ຖືວ່າເປັນບ່ອນຕັ້ງເມືອງສວັນຊັ້ນດາວະດິງສາ (ປ. ສິເນຣຸ ສ. ສຸເມຣຸ)
- ກາຣະບູນ - ກາລະບູນ
- ນ. ຕົ້ນໄມ້ແນວນຶ່ງ ຢາງຂອງມັນເມື່ອກັ່ນແລ້ວ ເປັນເມັດຂາວໆ ມີກິ່ນຫອມ (ສ. ກາຣປຸຣ)
- ວັຕສົງສານ - ວັດຕະສົງສານ
- ນ. ການວົນວຽນຢູ່ໃນໂລກ ຄື ການວຽນເກີດວຽນຕາຍ (ປ. ວັຕຕສົງສາຣ)
|
ຂຶ້ນເທິງສຸດ