| ຄຳທີ່ໃຊ້ຊອກຫາ: ນ ຈຳນວນຄຳສັບທີ່ພົບໃນວັຈານຸກົມ: 1000 ວັຈນານຸກົມພາສາລາວ ໂດຍ ມະຫາສິລາ ວີຣະວົງສ໌ (1000) - ສນາ - ສະໜາ
- ນ. ເຄື່ອງປູນັ່ງທີ່ຍັດນຸ່ນ (ມາຈາກ ອາສນາ)
- ສິລປະສາດ - ສິນລະປະສາດ
- ນ. ຕຳລາກ່າວດ້ວຍວິຊາ 18 ປະການ ຕາມຄະຕິບູຮານ ມີວິຊາເລກເປັນຕົ້ນ (ສ. ສິລປສາຕຣ)
- ເກສອນ
- ນ. ຂົນຄິ້ວ, ແຜງມ້າ, ສ່ວນໃນຂອງຫມາກໄມ້ເປັນເມັດໆ, ດອກໄມ້ (ປ. ເກສຣ)
- ໂກນາຄົມ
- ນ. ນາມພຣະພຸທເຈົ້າອົງທີ 2 ໃນພັທກັບນີ້ (ປ. ໂກນາຄມມ)
- ກະຈົນ
- ນ. ຊື່ປາເກັດແນວຫນຶ່ງ ຕົວກົມຄືປາຄໍ່ ເກັດສີມຸມ ຫົວນ້ອຍ.
- ກະນ່ອງມ້າ
- ນ. ຜັກແນວນຶ່ງ ເກີດຢູ່ຕາມຫນອງ ໃບຄືເລັບມ້າ.
- ກະມັນ
- ນ. ປາແນວນຶ່ງ ມີເກັດ ຕົວຄືປາຂາວ ແຕ່ໃຫຍ່ ແລະ ຢູ່ນ້ຳເລິກ.
- ກະເສນ
- ນ. ຊື່ຫມາກມ່ວງແນວນຶ່ງ ຫນ່ວຍໃຫຍ່.
- ກະແຕລອດຂອນ
- ນ. ຊື່ພຸ່ມໄມ້ແນວນຶ່ງ ມີຫົວໃຊ້ເຮັດຢາ (ຫົວຄ້ອນກະແຕ ກໍວ່າ)
- ກັນຊາ
- ນ. ຕົ້ນໄມ້ນ້ອຍໆ ຈຳພວກໄມ້ພຸ່ມໃບແລະດອກມີຣົດເມົາ ໃຊ້ໃບແຫ້ງ ສູບແທນຢາ.
- ກຳຫນົດ
- ນ. ບັງຄັບ, ກົດຫມາຍ; ກ. ຈື່ຈຳໄວ້, ຫມາຍໄວ້, ນິຍົມ, ຈຳເພາະ (ເບິ່ງ ກຳນົດ ນຳອີກ)
- ກົງດິນ
- ນ. ແດນດິນ, ເຂດແດນເມືອງ ຫລື ປະເທດ.
- ກົດໄອຍະການເສິກ
- ນ. ຣະບຽບທີ່ປະກາດໃຊ້ໃນເວລາເກີດເສິກ ຫລື ໃນເວລາປະເທດບໍ່ສະຫງົບ ໂດຍການງົດໃຊ້ກົດຫມາຍທັມມະດາ ໄວ້ຊົ່ວຄາວ.
- ກ້ອງແຂນ
- ນ. ເຄື່ອງເອ້ແຂນ ຢ່າງດຽວກັນກັບກ້ອງຂາ (ປອກແຂນ ກໍວ່າ)
- ທາຣາທິຄຸນ
- ນ. ສ່ວນນ້ຳຝົນ ເຊິ່ງຫລາຍທີ່ສຸດ (ປ.)
- ທາຣຸນ
- ວ. ໂຫດຮ້າຍ, ຫຍາບຊ້າກ້າແຂງ (ປ.) ທາຣຸນກັນ ນ. ການເຮັດດ້ວຍຄວາມໂຫດຮ້າຍ.
- ຜ້ານ
- ນ. ຖ້ານ, ຊັ້ນ, ສ່ຳ, ຮຸ່ນຮາວ.
- ວິຫານ:
- ນ. ບ່ອນຢູ່ຂອງສົງ, ບ່ອນປະດິສຖານ ພຣະພຸທຣູບ (ປ. ວິຫາຣ)
- ເກຫນ້າກາຫລັງ
- ນ. ສຣະ ເອ ຕ້ອງຢູ່ຫນ້າ ສຣະ ອາ ຕ້ອງຢູ່ຫລັງ, ເປັນຄຳເວົ້າຖືຫຸ່ມ ຄົນຜູ່ບໍ່ຮູ້ ຫລື ເວົ້າບໍ່ຖືກຕາມຄວາມຫມາຍ.
- ເກົາທັນ
- ນ. ຫນ້າທະນູ (ສ. ເກົາທັນທ)
|
ຂຶ້ນເທິງສຸດ