ຄຳທີ່ໃຊ້ຊອກຫາ: ນ ຈຳນວນຄຳສັບທີ່ພົບໃນວັຈານຸກົມ: 1000 ວັຈນານຸກົມພາສາລາວ ໂດຍ ມະຫາສິລາ ວີຣະວົງສ໌ (1000) - ກະລາການ້ຳ
- ນ. ຊື່ນົກແນວນຶ່ງ ຕົວໃຫຍ່ ຂົນສີດຳຄ້າຍຄືກາ ຄໍຍາວ ຫາກິນທາງນ້ຳ.
- ກະເບນ
- ນ. ຕ່ຽວຜ້າ: (ຂ.) “ຊຸມນຶ່ງຮູບຊ້າງນ້ອຍ ແຢະຢຽດຢາຍມື ປຸນດັ່ງທັມມະຊາຕັງ ແຕ່ງກະເບນ ຈຳຈ້ອນ” (ສິນໄຊ)
- ສນຽມ
- ນ. ປອກຄໍມ້າ - ກະດິງມ້າ " ມ້າແອບຄຸ້ມ ຄໍສອດ ສນຽມທອງ ນາຍນັກການເຂົາ ແຕ່ງດີດາມ້ຽນ " (ສິນໄຊ)
- ຫົວຂວັ້ນ
- ນ. ສ່ວນຂອງຫມາກ ຫລື ດອກ ແລະ ໃບໄມ້ທີ່ຕິດຢູ່ກັບກ້ານ, ສ່ວນຂອງຫນັງສີທີ່ມີຂໍ້ຄວາມຢ່າງດຽວກັນກັບສ່ວນທີ່ຈີກອອກ
- ເວໄນ:
- ນ. ຜູ່ຄວນແນະນຳສັງສອນ, ຜູ່ຄວນໄດ້ (ປ. ເວເນຍຍະ)
- ໂກລາຫົນ
- ນ. ຄວາມວຸ່ນວາຍ, ສຽງຄຶກຄື້ນ; ວ. ວຸ່ນວາຍ (ຄຳນີ້ໃຊ້ຜິດໄປວ່າ ໂກລະຫົນ ຫລື ກົລຫົນ) (ປ. ໂກລາຫລ)
- ກະຈວນ
- ນ. ແປ້ງ, ແປ້ງ. ວ. ມຸ່ນເປັນແປ້ງ, ລະອຽດ, ມຸ່ນ, ເປັນຝຸ່ນ.
- ກະຈ້ອນ
- ນ. ສັດສີ່ຕີນແນວຫນຶ່ງ ຈຳພວກໄຕ່ໄມ້ ຕົວຂະຫນາດກະແຕ ຂົນສີຮູຍ.
- ກະນ່ອງ
- ນ. ອະໄວຍະວະ ຂອງຄົນແລະສັດ ບ່ອນຂາກັບຕີນຕໍ່ກັນ ທາງດ້ານຫລັງ.
- ກະບູນ
- ນ. ພະຍາດແນວນຶ່ງ ເປັນກ້ອນແຂງຢູ່ໃນທ້ອງ.
- ກະແຈດານ
- ນ. ກະແຈໄມ້ແບບບູຮານ ຝັກ ແລະໄລ ຕິດຢູ່ກັບຝາປະຕູດ້ານໃນ (ດັ່ງດຽວກັບກະແຈຕູ້ ທຸກວັນນີ້)
- ກາກະນິກ
- ນ. ມາດຕາເງິນອິນເດຍບູຮານ ມີຄ່າທໍ່ກັບກ້ອນຊີ້ນ ພໍກາຄາບໄປໄດ້. (ປ.)
- ກາງດິນ
- ນ. ທີ່ນອກຮົ່ມ (ນອນກາງດິນ ກິນກາງຫຍ້າ)
- ກາງເຂນ
- ນ. ຮູບໄມ້ຕີນກາ ເປັນເຄື່ອງນັບຖືແທນພຣະເຍຊູ ຂອງພວກຖືສາສນາຄຣິສຕັງ.
- ກາດນາ
- ນ. ຜັກກາດແນວນຶ່ງ ຕົ້ນແລະໃບຄືຜັກກາດທຳມະດາ ແຕ່ໃບຫນາ ແລະສີຂຽວແກ່ (ຈ. ຄະນ້າ)
- ກາມາດູນ
- ນ. ຄວາມກະສັນແດດ້ວຍກາມ, ຄວາມຮ້ອນຮົນຍ້ອນກາມ (ປ. ກາມ+ອາຣັມມນ)
- ກຳຍານ
- ນ. ຢາງຂອງຕົ້ນໄມ້ແນວນຶ່ງ ເປັນຊໍ່ຄືຂີ້ຊີ ແຕ່ມີກິ່ນຫອມ ແລະ ມີຣາຄາແພງ.
- ກຳສິນ
- ນ. ວິທີເຮັດກົນເອົາຢາ ທີ່ຖືກັນວ່າສັກສິດ ຄືເວລາຈະຕັດຕົ້ນຢາ ໃຫ້ແກ້ຜ້າອອກຫມົດ ແລ້ວຈິ່ງຕັດເອົາຢານັ້ນ.
- ກຳເດືອນ
- ນ. ການທີ່ຜູ່ຍິງອອກລູກແລ້ວ ຢູ່ຮັກສາຕົນດ້ວຍການຝີງໄຟ ແລະອາບນ້ຳຮ້ອນ.
- ທອງພັ່ນຊັ່ງ
- ນ. ຕົ້ນໄມ້ແນວນຶ່ງ ດອກສີຂາວ ຕົ້ນເປັນພຸ່ມ.
|