| ຄຳທີ່ໃຊ້ຊອກຫາ: ຫລື ຈຳນວນຄຳສັບທີ່ພົບໃນວັຈານຸກົມ: 195 ວັຈນານຸກົມພາສາລາວ ໂດຍ ມະຫາສິລາ ວີຣະວົງສ໌ (195) - ກະກາ
- ນ. ເປັນຄຳຮຽກ ລະບຽບການປະສົມອັກສອນ ອັນເປັນບົດຮຽນຂັ້ນຕົ້ນຕາມແບບບູຮານ ຄື ການປະສົມອັກສອນ ທີ່ມີແຕ່ພະຍັນຊະນະ ກັບ ສະຫລະປະສົມ ຍັງບໍ່ທັນມີຕົວສະກົດ ຮຽກວ່າແມ່ ກະກາ ຫລື ກໍກາ.
- ກະຈັງ
- ນ. ລາຍຂຽນ ຫລື ລາຍສານຮູບ 4 ລ່ຽມຫັກເຂົ້າໃນ (ເອີ້ນ ລາຍກະຈັງ).
- ກະຊິບ - ກະຊິບກະຊາບ
- ກ. ເວົ້າຄ່ອຍໆໃກ້ຫູ ສ່ຳ ຫລື ສຶ່ມໃສ່ຫູ ວ. ອາການເວົ້າຄ່ອຍໆ ແລະຟ້າວ.
- ກະຊ້າ
- ນ. ພາຊະນະ ສານດ້ວຍໄມ້ໄຜ່ ຫລື ຂອງອື່ນ ສຳລັບໃສ່ສິ່ງຂອງ; “ຈວງຈັນຫລ້າງ ຂອງແພງທາງເທດ ສັງຊິມາຄວ່າຫ້ອຍ ຫູກະຊ້າທ່ຽວຂາຍ” (ຄຳກອນບູຮານ)
- ກະຍັງ
- ນ. ເຄື່ອງໃຊ້ສານດ້ວຍຕອກ ຫລື ຫວາຍ ຄືຮູບກະບຸງ ແຕ່ສູງ ແລະມີສາຍພາຍ (ເປັນເຄື່ອງໃຊ້ຂອງພວກລາວເທິງ)
- ກະຍ່າ
- ນ. ຜັກແນວນຶ່ງ ກິ່ນຂິວ ໃບສ້ອຍ ຕາມກ້ານແລະຕົ້ນ ມີຫນາມ (ກ້ານຍ່າ ຫລື ກ້ານຫຍ້າ ກໍເອີ້ນ)
- ກະດັນ
- ນ. ຕົ້ນໄມ້ແນວນຶ່ງ ໃບນ້ອຍຍາວ ມີລົດສົ້ມ ມັກເກີດຕາມແຄມນ້ຳ, ຊີ້ນ ຫລື ນວນຫມາກໄມ້ ທີ່ເປັນກ້ອນແຂງ. ວ. ເປັນກ້ອນແຂງ.
- ກະດາດ
- ນ. ເຈ້ຍ; ກະດາດແກ້ວ ນ. ເຈ້ຍທີ່ເປັນແຜ່ນບາງໆ ແລະ ໃສ; ກະດາດຊາຍ ນ. ເຈ້ຍ ສຳລັບຂັດຂອງໃຫ້ກ້ຽງ ທາງພື້ນມີຫີນ ຫລື ເມັດຊາຍຕິດຢູ່.
- ກະດິງ
- 1 ນ. ເຄື່ອງສັ່ນໃຫ້ມີສຽງດັງ ເພື່ອສັນຍານໃຫ້ໄດ້ຍິນ ເຮັດດ້ວຍໂລຫະ ມີລູກພັດຢູ່ທາງໃນ ສຳລັບແຂວນຄໍສັດ ຫລື ແຂວນຕາມໂງ່ນສິມ ເປັນຕົ້ນ. 2 ນ. ຊື່ແມ່ນ້ຳສາຍນຶ່ງ ເປັນສາຂາຂອງນ້ຳຂອງ…
- ກະດິບໆ
- ວ. ອາການດຶບໄປແຫ່ງແມງບົ້ງ ຫລື ປິງ.
- ກະດຸມ
- ນ. ຫມາກຕຸ້ມໂສ້ງເສື້ອ ຫລື ກະເປົ໋າ (ດຸມ ກໍວ່າ)
- ກະດຽມ
- ວ. ອາການທີ່ທຳໃຫ້ຂົນລຸກ, ອາການທີ່ພາໃຫ້ອາຍໃນໃຈ ຫລື ອາການທີ່ທຳໃຫ້ຢາກຫົວ ເພາະຖືກຫນິ່ງ.
- ກະຕັກ
- ນ. ໄມ້ແສ້ມີເຫລັກຢູ່ປາຍ ສຳລັບແທງງົວໃຫ້ເດີນໄວ (ຮຽນວ່າ ເຫລັກປະຕັກ ຫລື ເຫລັກກະຕັກ)
- ກະຕາກ
- ກ. ສຽງໄກ່ຮ້ອງ ໃນເວລາມັນໄຂ່ ຫລື ຕື່ນຕົກໃຈ.
- ກະຕິກ
- ນ. ພາຊະນະສຳລັບໃສ່ນ້ຳເຢັນ ຫລື ນ້ຳຮ້ອນ ຮູບຕ່າງໆ (ຕິກ ກໍວ່າ)
- ກະຕູດ
- ນ. ແຜ່ນເງິນ ຫລື ຄຳ ທີ່ຂຽນຄາຖາໃສ່ ນັບຖືວ່າ ເປັນເຄື່ອງແຄ້ວຂອງຄົງ, ເຄື່ອງແຄ້ວຄົງ.
- ກະຕ່ອງ
- ນ. ເຄື່ອງສຳລັບຕັກເອົາຂອງ ສານດ້ວຍປໍປ່ານ ຫລື ໄມ້ ມີຄັນຈັບ.
- ກະຕ່ຳ
- ນ. ເຄື່ອງຫ້າງເອົາສັດປ່າ ເຮັດດ້ວຍໄມ້ ເປັນທ່ອນຍາວ ມີສາຍໃຍພານ ເວລາສັດຢຽບ ຫລື ພານ ສາຍໄມ້ນັ້ນ ລັ່ນລົງເຕັງ.
- ກະຖີບ
- ນ. ເຄື່ອງຫ້າງເອົາສັດປ່າ ທຳດ້ວຍໄມ້ ລຳຂະຫນາດນ້ອຍ. ສົ້ນນຶ່ງຕອກໃຫ້ແຫນ້ນໄວ້ກັບດິນ ແລ້ວຫ້າງອ້າສົ້ນນຶ່ງໄວ້ ເມື່ອສັດມາພານສາຍໃຍ ສົ້ນທີ່ອ້າຢູ່ນັ້ນ ກໍດີດລົງ ຫລື ຖີບລົງເຕັງສັດໄວ້.
- ກະທົງ
- ນ. ພາຊະນະເຮັດດ້ວຍກາບກ້ວຍ ຫລື ໃບຕອງສຳລັບໃສ່ຂອງຜອກຜີ, ກະທົງຫນ້າງົວ ນ. ກະທົງກາບກ້ວຍ ທີ່ເຮັດເປັນຮູບສາມລ່ຽມ.
|
ຂຶ້ນເທິງສຸດ