 | LaoDictionary.net | ວັດຈະນານຸກົມພາສາລາວ ເພື່ອຄົນລາວ. ເກີດເປັນຄົນລາວ ຈົ່ງຮູ້ໃຊ້ພາສາລາວ ເຮົາຄົນລາວຖ້າບໍ່ໃຊ້ພາສາລາວ ແລ້ວຄົນຜູ່ໃດຈະມາໃຊ້ ພາສາເຮົາ? |
| ຜົນການຊອກຫາ: 19 | ໜ້າທີ 1 ຈາກທັງໝົດ 1 ໜ້າ |
- ໄກ
- 1 ວ. ຫ່າງ, ຍາວ, ເຫິງ, ບໍ່ໃກ້, ກົງກັນຂ້າມກັບໃກ້. 2 ນ. ເດືອຍ ຫລື ບ່ອນລັ່ນຂອງອາວຸດ ຫລື ເຄື່ອງຈັກ.
- ໄກລາດ
- ນ. ຊື່ພູຍອດນຶ່ງ ຢູ່ແຖວພູຫິມາລັຍ ວ່າມີສີຂາວ ຄື ເງິນຍວງ ເປັນຍອດສູງສຸດ ຢູ່ທາງເຫນືອທະເລສາບມານັສ. ຕາມນິຍາມວ່າ ເປັນບ່ອນຢູ່ຂອງທ້າວກຸເວນ ຜູ່ເປັນເຈົ້າແຫ່ງຍັກ (ສ. ເກລາສ)
- ໄກສອນ
- 1 ນ. ລະອອງຂອງດອກໄມ້ (ປ. ເກສຣ) 2 ນ. ຣາຊສີ (ສ. ເກສຣ)
- ໄກສີ
- ນ. ຣາຊສີ (ສ. ເກສຣີ)
- ໄກ່
- ນ. ສັດມີປີກຈຳພວກນຶ່ງ ຕາມທຳມະດາເປັນສັດລ້ຽງ ແລະມີຫລາຍແນວ ຄື: ໄກ່ແກ້ວ ນ. ໄກ່ທີ່ມີຂົນສີຂາວ; ໄກ່ກຸ້ມ ນ. ໄກ່ທີ່ມີຂົນຫາງສັ້ນໆ; ໄກ່ຂົວ ນ. ໄກ່ປາແນວຂົນລາຍງາມ ມີຂົນເປັນຫອນຄືນົກຍູງ; ໄກ່ງວງ ນ. More…
- ໄກ້
- ນ. ສັດສີ່ຕີນແນວນຶ່ງ ຈຳພວກຄ້ຽວເອື້ອງ ຕົວທໍ່ກະຕ່າຍ ແຕ່ຮູບຮ່າງຄືຟານ.
- ໄທ
- 1. ນ. ຄົນ, ພວກ, ຊາວ. "ຟ້າຮ່ຳຮ້ອງ ຣະດູດ່ວນ ເດືອນສາມ ທຸກໄທຊົມຮຽນກຂວັນ ເມືອຫ້ອງ" 2. ນ. ຊື່ປະເທດ ແລະ ຄົນຊາດນຶ່ງ ຢູ່ຕໍ່ປະເທດລາວທາງຟາກນ້ຳຂອງເບື້ອງຂວາ: ຄວາມມີອິສຣະໃນຕົວ More…
- ໄທຍະທັມ - ໄທຍະທຳ
- ນ. ຂອງຄວນໃຫ້, ຂອງທຳບຸນຕ່າງໆ (ປ. ເທຍຍທັມມ)
- ໄທຍະຫານ
- ນ. ຂອງສຳລັບທານ (ປ. ເທຍຍທານ)
- ໄທ່
- ນ. ຖົງຍາວໆສຳລັບໃສ່ເຂົ້າຂອງ ມີເງິນຄຳ ຫລື ເຂົ້າສານ ເປັນຕົ້ນ.
- ໄທ້
- ນ. ຜູ່ເປັນໃຫຍ່, ຜູ່ປະເສີດ, ເທວະດາ, ຜີ.
- ໄວ:
- ວ. ບໍ່ຊ້າ, ທັນທີ
- ໄວຍາກອນ:
- ນ. ວິຊາກ່ຽວດ້ວຍລະບຽບຂອງພາສາ, ການຈັດຄຳເວົ້າໃຫ້ເປັນລະບຽບ (ປ. ເວຍຍາກຣນະ)
- ໄວຍາວັຈກອນ - ໄວຍາວັດຈະກອນ:
- ນ. ຜູ່ທຳກິດທຸຣະແທນສົງ (ປ. ເວຍຍາວັຈຈກຣນະ)
- ໄວພົດ:
- ນ. ຄຳທີ່ມີຮູບຕ່າງກັນ ແຕ່ມີຄວາມໝາຍຄືກັນ ຫລື ຄຳທີ່ອອກສຽງຄືກັນ ແຕ່ມີຄວາມໝາຍຕ່າງກັນ (ປ. ເວວຈນະ)
- ໄວ່ໆ:
- ວ. ອາການໄປໄວເຫັນແຕ່ສົ້ນ ຫລື ທາງຫລັງ
- ໄວ້
- ກ. ຮັກສາ, ແພງ, ໃຫ້ມີຢູ່, ໃຫ້ຜາກົດຢູ່, ເຊື່ອ, ໃຫ້, ມ້ຽນ, ໄວ້ໃຈ, ກ. ເຊື່ອໃຈ, ໄວໜ້າ, ກ. ບໍ່ຖືຫຸ່ມ, ບໍ່ເຫຼື້ອມໜ້າ, ໄວ້ອາລັຍ, ກ. ສະແດງຄວາມຄຶດເຖິງຜູ່ຈາກໄປ.
- ໄຫ
- ນ. ພາຊນະດິນເຜົາ ຮູບກົມສູງ ກົ້ນຮອມ ສຳລັບໃສ່ປາແດກ ເປັນຕົ້ນ
- ໄຫ້
- ກ. ຮ້ອງດ້ວຍຄວາມເຈັບປວດ ຫລື ເສຍໃຈ
| ວັຈນານຸກົມພາສາລາວ ໂດຍ ມະຫາສິລາ ວີຣະວົງສ໌ | LaoDictionary.net | ວັດຈະນານຸກົມພາສາລາວ, ລາວແປລາວ, ລາວແປອັງກິດ ແລະອັງກິດແປລາວ. |
| ຄວາມເປັນມາ • ໑໐ ອັນດັບ • ສົ່ງຄຳຕິຊົມ • ເຂົ້າໃຊ້ລະບົບ |  ຂຶ້ນເທິງສຸດ |
| © ໒໐໐໙ - ໒໐໑໐ LaoDictionary.net | XHTML | CSS | ລະບົບຄຳສັບໂດຍ Glossword ໑.໘.໑໑ |