 | LaoDictionary.net | ວັດຈະນານຸກົມພາສາລາວ ເພື່ອຄົນລາວ. ເກີດເປັນຄົນລາວ ຈົ່ງຮູ້ໃຊ້ພາສາລາວ ເຮົາຄົນລາວຖ້າບໍ່ໃຊ້ພາສາລາວ ແລ້ວຄົນຜູ່ໃດຈະມາໃຊ້ ພາສາເຮົາ? |
| ຜົນການຊອກຫາ: 1,712 | ໜ້າທີ 3 ຈາກທັງໝົດ 86 ໜ້າ |
- ກະຈັງ
- ນ. ລາຍຂຽນ ຫລື ລາຍສານຮູບ 4 ລ່ຽມຫັກເຂົ້າໃນ (ເອີ້ນ ລາຍກະຈັງ).
- ກະຈັດ
- ວ. ຖີ່, ແຈບ ມີລະຍະບໍ່ຫ່າງ.
- ກະຈັດກະຈາຍ
- ວ. ຊະຊາຍອອກຢ່າງບໍ່ເປັນລະບຽບ
- ກະຈັ້ນ
- ວ. ຈໍ້, ສັ້ນ, ຈັ້ນ.
- ກະຈາ
- ວ. ກະເທີນ, ຜ້ານກາງ, ບໍ່ອ່ອນ ບໍ່ແກ່: "ຂຸນກະຈານີ້ ພໍ່ນາດີກວ່າ ພໍ່ນາເອື້ອມອິ່ມເຂົ້າ ຂຸນກະຈາເອື້ອມອິ່ມລົມ" (ປູ່ສອນຫລານ)
- ກະຈາຍ
- 1 ນ. ໄມ້ພຸ່ມແນວນຶ່ງ ລຳແລະກ້ານມີຫນາມ ຫນ່ວຍກົມ ໃຊ້ທຳສີດຳໄດ້ ໃບເປັນແຫລບ. ຊື່ຫວ້ານແນວນຶ່ງ ຖືວ່າເປັນຫວ້ານມີພິດແຮງ. 2 ກ. ຢາຍ, ຊະ, ແຈກອອກ.
- ກະຈາບ
- ນ. ນົກຈາບ.
- ກະຈິບ
- ນ. ນົກຈິບ.
- ກະຈິ້ນ
- ນ. ສັດສີ່ຕີນແນວຫນຶ່ງ ຈຳພວກໄຕ່ໄມ້ ຕົວນ້ອຍຂະຫນາດກະແຕ ຫນ້າແຫລມ.
- ກະຈົກ
- ນ. ແກ້ວເປັນແຜ່ນ, ແວ່ນ (ສຳລັບແຍງເບິ່ງເງົາ)
- ກະຈົນ
- ນ. ຊື່ປາເກັດແນວຫນຶ່ງ ຕົວກົມຄືປາຄໍ່ ເກັດສີມຸມ ຫົວນ້ອຍ.
- ກະຈ່າງ
- ວ. ແຈ້ງ, ສວ່າງ.
- ກະຈ້ອນ
- ນ. ສັດສີ່ຕີນແນວຫນຶ່ງ ຈຳພວກໄຕ່ໄມ້ ຕົວຂະຫນາດກະແຕ ຂົນສີຮູຍ.
- ກະຊວງ
- ນ. ສະຖານທີ່ທຳລາດຊະການຂອງລັດຖະບານ ອັນເປັນບ່ອນໂຮມກິດຈະການຂອງປະເທດ ສ່ວນນຶ່ງໆ ເຊິ່ງມີຫົວຫນ້າເປັນລັດຖະມົນຕີ.
- ກະຊອນ
- 1 ນ. ເຄື່ອງສຳລັບຕັກອາຫານ ສານດ້ວຍລວດ ຫລືໄມ້ໄຜ່ ມີຄັນສຳລັບຈັບຕັກ, (ຕ່ອງຊອນ ກໍວ່າ ກະຕ່ອງຊອນ ກໍເອີ້ນ) 2 ນ. ແມງແນວນຶ່ງຫມົ້ນຢູ່ຕາມດິນ ຕົງນ້ອຍໆ ທີ່ວ່າ ຫນ້າມີກ້າມໃຫຍ່ ສຳລັບໃຊ້ເບີກທາງ (ແມງຊອນ ຫລື More…
- ກະຊະ
- ນ. ໄມ້ໄຜ່ປ່າແນວນຶ່ງ ມັກເກີດຕາມແຄມນ້ຳ.
- ກະຊັກ
- ນ. ຊື່ພູຫນ່ວຍນຶ່ງ ໃນແຂວງຫລວງພຣະບາງ ເຊິ່ງລາວເທິງພວກນຶ່ງອາໄສຢູ່ເທິ່ງພູນີ້ ເອີ້ນວ່າ ພູກະຊັກ.
- ກະຊັງ
- ກ. ຟ້າວຕື່ນ ໃນຂະນະທີ່ກຳລັງຝັນ: “ລາຕີຂ້ອນ ເລີຍກະຊັງສະດຸ້ງຕື່ນ”
- ກະຊາກ
- ກ. ດຶງມາໂດຍແຮງ, ຊາກມາ.
- ກະຊາຍ
- ນ. ຜັກແນວນຶ່ງ ຈຳນວນຫວ້ານ ມີກິ່ນຫອມ ຫົວແລະຮາກໃຊ້ເປັນອາຫານໄດ້.
| ວັຈນານຸກົມພາສາລາວ ໂດຍ ມະຫາສິລາ ວີຣະວົງສ໌ | LaoDictionary.net | ວັດຈະນານຸກົມພາສາລາວ, ລາວແປລາວ, ລາວແປອັງກິດ ແລະອັງກິດແປລາວ. |
| ຄວາມເປັນມາ • ໑໐ ອັນດັບ • ສົ່ງຄຳຕິຊົມ • ເຂົ້າໃຊ້ລະບົບ |  ຂຶ້ນເທິງສຸດ |
| © ໒໐໐໙ - ໒໐໑໐ LaoDictionary.net | XHTML | CSS | ລະບົບຄຳສັບໂດຍ Glossword ໑.໘.໑໑ |