 | LaoDictionary.net | ວັດຈະນານຸກົມພາສາລາວ ເພື່ອຄົນລາວ. ເກີດເປັນຄົນລາວ ຈົ່ງຮູ້ໃຊ້ພາສາລາວ ເຮົາຄົນລາວຖ້າບໍ່ໃຊ້ພາສາລາວ ແລ້ວຄົນຜູ່ໃດຈະມາໃຊ້ ພາສາເຮົາ? |
| ຜົນການຊອກຫາ: 1,712 | ໜ້າທີ 17 ຈາກທັງໝົດ 86 ໜ້າ |
- ກະເວກະວາດ
- ວ. ເວໄປເວມາ.
- ກະເສດ
- 1 ນ. ຜັກແນວນຶ່ງ ເກີດຢູ່ນ້ຳ ເປັນເຄືອ ມີປອດສີຂາວຕິດຢູ່ນຳເຄືອ. 2 ນ. ທົ່ງນາ, ທີ່ດິນ, ເຂດແດນ (ສ. ກເສຕຣ)
- ກະເສຕກັມ - ກະເສດຕະກຳ
- ນ. ການປູກຫວ່ານ ແລະການລ້ຽງສັດ; ນ. ການທຳໃຫ້ເກີດຜົນຈາກດິນ. (ສ. ກເສຕຣກັມມ)
- ກະເສຕສາດ - ກະເສດຕະສາດ
- ນ. ວິຊາກ່ຽວດ້ວຍກະເສດຕະກຳ. (ສ. ກເສຕຣສາຕຣ)
- ກະເສນ
- ນ. ຊື່ຫມາກມ່ວງແນວນຶ່ງ ຫນ່ວຍໃຫຍ່.
- ກະເສມ
- (ເບິ່ງກະເສີມ)
- ກະເສຣາ - ກະເສລາ
- ນ. ນ້ຳທິບ, ນ້ຳສັກສິດ: “ພູມີຜາຍກະເສຣາ ຮວາດລົງມາລ້າງ” (ປ. ກສິຣ) ຄຳ ກສິຣ ຫລື ກະເສຣາ ນີ້ແປວ່າ ນ້ຳນົມ ແຕ່ເດີມຫມາຍເອົານ້ຳນົມສະຫມຸດ; ມີເລື່ອງກ່າວໄວ້ໃນຄຳພີປຸຣະນະວ່າ ເມື່ອຕັ້ງໂລກຂຶ້ນໃຫມ່ໆ More…
- ກະເສີມ
- ນ. ຄວາມສຳລານ, ຄວາມສະຫນຸກສຸກສະບາຍ, ຄວາມຈະເລີນ (ສ. ກເສມ; ປ. ເຂມ)
- ກະແຈ
- ນ. ເຄື່ອງໃສ່ປະຕູ, ຕູ້, ຫີບ ເປັນຕົ້ນ ເພື່ອໃຫ້ໄຂບໍ່ໄດ້ ທຳດ້ວຍໂລຫະ ຫລື ໄມ້ ມີໄລເກາະທາງໃນ ແລະມີລູກສຳລັບໄຂ (ປ. ກຸນຈິກາ).
- ກະແຈດານ
- ນ. ກະແຈໄມ້ແບບບູຮານ ຝັກ ແລະໄລ ຕິດຢູ່ກັບຝາປະຕູດ້ານໃນ (ດັ່ງດຽວກັບກະແຈຕູ້ ທຸກວັນນີ້)
- ກະແຈມື
- ນ. ກະແຈເປັນວົງມົນໆ ສຳລັບໃສ່ຄໍ່ມືຜູ່ກະທຳຜິດ.
- ກະແຈະ
- 1 ນ. ແປ້ງຫອມ, ຝຸ່ນຈັນຫອມ. 2 ນ. ຊື່ແຂວງຫນຶ່ງໃນປະເທດຂະເຫມນ ຢູ່ຕໍ່ແດນປະເທດລາວ ແຂວງຈຳປາສັກ.
- ກະແຊ
- 1 ນ. ຊື່ການຫລິ້ນແນວນຶ່ງ ຂອງພວກລາວເຫນືອ, 2 ນ. ຊື່ພະຍາດເຈັບທ້ອງແນວນຶ່ງ ມີອາການເຈັບສຽບ.
- ກະແຊງ
- ນ. ຊື່ເຮືອໃຫຍ່ທີ່ມີແປ້ນບອງຂ້າງ ສຳລັບຍ່າງຖໍ່ ເອີ້ນວ່າ ເຮືອກະແຊງ.
- ກະແຍງ
- 1 ນ. ຊື່ປາແນວນຶ່ງ ຕົວນ້ອຍ ມີງ່ຽງຢູ່ແຄມຫູ ແລະ ສັນຫລັງ. 2 ນ. ຊື່ຜັກແນວນຶ່ງ ກິ່ນຂິວ ເກີດຕາມໄຮ່ນາ ໃນລະດູຝົນ.
- ກະແຍງໂຄ
- ນ. ປາກະແຍງແນວຕົວໃຫຍ່.
- ກະແດບເດົ້າ
- ນ. ຊື່ນົກແນວນຶ່ງ ເປັນນົກຫາກິນຕາມແຄມນ້ຳ ຕົວນ້ອຍ ຂົນສີຫມົ່ນ ເວລາຢືນ ທຳອາການເດົ້າງັບໆ. ນົກກະແດບດິນ ກໍວ່າ : “ຈິບກ່າປໍ້ ເປຍຝ້າຍກະແດບດິນ” (ສິນໄຊ)
- ກະແດບໆ
- (ດັ່ງດຽວກັນກັບ ກະເດບໆ ແຕ່ເປັນອາການ ຂອງຕົວນ້ອຍ)
- ກະແດ່ວ
- (ດັ່ງດຽວກັບກະເດ່ວ ແຕ່ເປັນອາການຂອງຜູ່ນ້ອຍ)
- ກະແດ້ງ
- ວ. ຫ່ຽວແຫ້ງ, ແຫ້ງ: “ຂາກະທວຍແຫ້ງ ອັນກະແດ້ງດ້ວຍແດດ ແລະ ແປວໄຟ” (ເວດສັນຕຣະ)
| ວັຈນານຸກົມພາສາລາວ ໂດຍ ມະຫາສິລາ ວີຣະວົງສ໌ | LaoDictionary.net | ວັດຈະນານຸກົມພາສາລາວ, ລາວແປລາວ, ລາວແປອັງກິດ ແລະອັງກິດແປລາວ. |
| ຄວາມເປັນມາ • ໑໐ ອັນດັບ • ສົ່ງຄຳຕິຊົມ • ເຂົ້າໃຊ້ລະບົບ |  ຂຶ້ນເທິງສຸດ |
| © ໒໐໐໙ - ໒໐໑໐ LaoDictionary.net | XHTML | CSS | ລະບົບຄຳສັບໂດຍ Glossword ໑.໘.໑໑ |