 | LaoDictionary.net | ວັດຈະນານຸກົມພາສາລາວ ເພື່ອຄົນລາວ. ເກີດເປັນຄົນລາວ ຈົ່ງຮູ້ໃຊ້ພາສາລາວ ເຮົາຄົນລາວຖ້າບໍ່ໃຊ້ພາສາລາວ ແລ້ວຄົນຜູ່ໃດຈະມາໃຊ້ ພາສາເຮົາ? |
| ຜົນການຊອກຫາ: 705 | ໜ້າທີ 16 ຈາກທັງໝົດ 36 ໜ້າ |
- ກະເດ່ວ
- ວ. ບາດຍ່າງ ທີ່ບໍ່ສະເຫມີ ຂອງຄົນເຈັບຂາ ຫລື ຕີນ.
- ກະເຕັນ
- (ເບິ່ງ ເຕັນ)
- ກະເຕິ
- ນ. ຝາແຕະ ເປັນຕາຫ່າງໆ ພໍຂອງນ້ອຍລອດລົງໄດ້ (ເອີ້ນວ່າ ຝາກະເຕິ ຫລື ຝາເຕິ). ຂີ້ເຫຍື້ອໄຫລມາເກາະກັນ ເປັນແຜ່ນຢູ່ບ່ອນນ້ຳເວີນ (ເອີ້ນຂີ້ກະເຕິ)
- ກະເຕິລອດຊ່ອງ
- ນ. ຝາກະເຕິ ມີຮູບຄືເຝືອນ ສຳລັບໃສ່ເຂົ້າແປ້ງທີ່ກວນໃຫ້ລອດລົງເປັນກ້ອນນ້ອຍໆ.
- ກະເຕົາ
- ນ. ປາແຫ້ງທີ່ຕາກຫມົດທັງຂີ້ ໂດຍບໍ່ຄົວ ສ່ວນຫລາຍແມ່ນ ປາຂາວ ປາແຕບ.
- ກະເທີຍ
- ນ. ຄົນ ຫລື ສັດ ທີ່ບໍ່ປາກົດວ່າເປັນຍິງ ຫລື ຊາຍ ຄັກແນ່ (ເທີຍ ກໍວ່າ)
- ກະເທີນ
- ວ. ຢູ່ລະຫວ່າງເຄິ່ງກາງ, ກະຈາ.
- ກະເທືອນ
- (ເບິ່ງ ສະເທືອນ)
- ກະເບນ
- ນ. ຕ່ຽວຜ້າ: (ຂ.) “ຊຸມນຶ່ງຮູບຊ້າງນ້ອຍ ແຢະຢຽດຢາຍມື ປຸນດັ່ງທັມມະຊາຕັງ ແຕ່ງກະເບນ ຈຳຈ້ອນ” (ສິນໄຊ)
- ກະເບືອ
- ຊື່ສາກສັ້ນໆ ສຳລັບຕຳອາຫານ ເອີ້ນ ສາກກະເບືອ (ເບິ່ງ ເຂົ້າເບືອ ອີກ)
- ກະເບື້ອ
- ນ. ແມງແນວນຶ່ງ ຕົວຄືບົ້ງ ປີກມົນ ສີຕ່າງໆກັນ.
- ກະເບື້ອງ
- ນ. ເຟື້ອງຫມໍ້, ຫມໍ້ດິນທີ່ແຕກອອກ ແຕ່ຍັງໃຊ້ໄດ້ຢູ່, ຖ້ວຍດິນ: “ຢ່າໄດ້ເມົາມົວໄຫ້ ນຳຜີຕາຍ ມັນບໍ່ເປັນປະໂຫຍດ ແຫນງສູ້ໄຫ້ນຳຫມໍ້ກະເບື້ອງ ຍັງຊິໄດ້ອ່ອມກິນ”
- ກະເບົາ
- ນ. ຕົ້ນໄມ້ແນວນຶ່ງ ຫນ່ວຍມົນ ນວນ ແລະ ໃນ ມີຣົດເມົາ.
- ກະເປາະ
- ນ. ພາຊະນະສານຢ່າງນຶ່ງ ຮູບມົນໆ ສຳລັບຂົນດິນ ຫລື ຜອງເຂົ້າ (ກະເພາະ ກໍວ່າ)
- ກະເປົາ
- ນ. ຖົງຮູບສີ່ລ່ຽມ ແລະແພບ ສຳລັບໃສ່ເງິນ ເປັນຕົ້ນ: ຖົງທີ່ຕິດຢູ່ກັບໂສ້ງເສື້ອ.
- ກະເພາະ
- ນ. ພຸງ, ອະໄວຍະວະ ຂອງຄົນແລະສັດ ເຊິ່ງເປັນບ່ອນໃສ່ອາຫານ ທີ່ກິນລົງໄປ (ເບິ່ງ ພຸງ ດ້ວຍ)
- ກະເລວະຣາກ - ກະເລວະລາກ
- ນ. ຊາກຄົນຕາຍ, ຮ່າງກາຍທີ່ປາສະຈາກວິນຍານ (ປ.ກເລວ ຣາກ)
- ກະເລັນ
- 1 ນ. ຊື່ສັດແນວນຶ່ງ ຈຳພວກໄຕ່ໄມ້ ຕົວນ້ອຍຂະຫນາດຫນູຊິງ. 2 ນ. ຊື່ແມງແນວນຶ່ງ ຕົວຄືຈັກຈັ່ນແຕ່ໃຫຍ່ກວ່າ ຮ້ອງສຽງມ່ວນ (ແມງງ້ວງ ກໍວ່າ) 3. ນ. ຊື່ດອກໄມ້ແນວນຶ່ງ ກິ່ນຫອມ: “ກາວກະເລັນກ້ຽງ More…
- ກະເລີງ
- ນ. ຄົນລາວສະກຸນນຶ່ງ ເອີ້ນ ລາວຊົ້ງ ຫລື ໄທກະເລີງ: “ເປັນດັ່ງໄທກະເລີງຫລ້າງ ບາຍຫລາຖແລງແຂກ” (ຄຳກອນບູຮານ)
- ກະເລົາ
- ນ. ຕົ້ນໄມ້ແນວນຶ່ງ ດອກສີມຸ່ຍ ເປືອກຂອງຫນ່ວຍບໍ່ຫຸ້ມກົ້ນ.
| ວັຈນານຸກົມພາສາລາວ ໂດຍ ມະຫາສິລາ ວີຣະວົງສ໌ | LaoDictionary.net | ວັດຈະນານຸກົມພາສາລາວ, ລາວແປລາວ, ລາວແປອັງກິດ ແລະອັງກິດແປລາວ. |
| ຄວາມເປັນມາ • ໑໐ ອັນດັບ • ສົ່ງຄຳຕິຊົມ • ເຂົ້າໃຊ້ລະບົບ |  ຂຶ້ນເທິງສຸດ |
| © ໒໐໐໙ - ໒໐໑໐ LaoDictionary.net | XHTML | CSS | ລະບົບຄຳສັບໂດຍ Glossword ໑.໘.໑໑ |