 | LaoDictionary.net | ວັດຈະນານຸກົມພາສາລາວ ເພື່ອຄົນລາວ. ເກີດເປັນຄົນລາວ ຈົ່ງຮູ້ໃຊ້ພາສາລາວ ເຮົາຄົນລາວຖ້າບໍ່ໃຊ້ພາສາລາວ ແລ້ວຄົນຜູ່ໃດຈະມາໃຊ້ ພາສາເຮົາ? |
| ຜົນການຊອກຫາ: 41 | ໜ້າທີ 2 ຈາກທັງໝົດ 3 ໜ້າ |
- ກຸລະ
- ນ. ສະກຸນ (ປ.)
- ກຸລາ
- ນ. ຄົນຊາວພະມ້າ, ມ່ານ (ຄຳນີ້ ແຕ່ກ່ອນເຮົາໃຊ້ຮຽກຄົນຕ່າງຊາດ ດັ່ງຮຽກແຂກດຳວ່າ ກຸລາດຳ ພາຍລຸນມາ ເລີຍຮຽກວ່າ ກະລາດຳ)
- ກຸລີ
- 1 ນ. ຄົນເຮັດການຈ້າງ, ລູກຈ້າງ (ຝ.) 2 ນ. ຄຳລັກສະນະນາມບອກປະມານ ຄືຜ້າຫໍ່ນຶ່ງໂຮມກັນ 20 ຜືນ ຮຽກວ່າ ກຸລີນຶ່ງ.
- ກຸສຣາດ - ກຸດສະຫຣາດ
- ນ. ນາມພຣະກະສັດເມືອງເປັງຈານ ພຣະຣາຊບິດາຂອງທ້າວສິນໄຊ ໃນເລື່ອງ ສິນໄຊ (ປ. ກຸສຣາຊ)
- ກຸສະລະ
- ນ. ກຸສົນ, ບຸນ, ຄວາມສະຫລາດ (ປ.)
- ກຸສະໂລບາຍ
- ນ. ອຸບາຍອັນສະຫລາດ (ປ.)
- ກຸສິນາຣາ - ກຸສິນາລາ
- ນ. ຊື່ເມືອງນຶ່ງໃນປະເທດອິນເດຍ ເປັນເມືອງທີ່ພະພຸດທະເຈົ້ານິພານ ແຕ່ລາວອອກສຽງເປັນ ກຸສິນນາຣາຍ (ປ.)
- ກຸສິນາຣາຍ
- (ເບິ່ງ ກຸສິນາຣາ)
- ກຸສຸມ
- ນ. ດອກໄມ້, ດອກຫອນໄກ່ (ປ.) ກຸສຸມາກອນ ນ. ກອງດອກໄມ້ (ສ. ກຸສຸມາກຣ)
- ກຸສຸມາ
- (ເບິ່ງ ກຸສຸມ)
- ກຸສົນ
- ນ. ສິ່ງທີ່ດີ, ບຸນ. ວ. ຖືກຕ້ອງ, ສະອາດ, ງາມ (ປ. ກຸສລ)
- ກຸສົລກັມ - ກຸສົນລະກຳ
- ນ. ກັມອັນດີ, ການເຮັດຄວາມດີ.
- ກຸສົລກັມມະບົດ - ກຸສົນລະກຳມະບົດ
- ນ. ທາງທີ່ເຮັດດີ, ທາງທີ່ເປັນບຸນ ໄດ້ແກ່ທັມຫມວດນຶ່ງ ມີ 10 ຢ່າງ ຄື: ກາຍສຸຈະຣິດ 3, ວະຈີສຸຈຣິດ 4 ແລະ ມະໂນສຸຈຣິດ 3.
- ກຸຫລາບ
- ນ. ໄມ້ມີດອກຈຳພວກນຶ່ງ ງ່າ ແລະລຳມີຫນາມ ຂອບໃບເປັນຈັກໆ ດອກຫອມອ່ອນ.
- ກຸເລົາ
- ນ. ປາທະເລແນວນຶ່ງ ຕົວຂະຫນາດປາແກງ.
- ກຸເວນ
- ນ. ນາມພະຍາແຫ່ງພວກຜີຮ້າຍ ຮຽກພຣະຍາກຸເວນໆ ເປັນເຈົ້າແຫ່ງສົມບັດເຂົ້າຂອງ ແລະເປັນທ້າວໂລກຍານອົງນຶ່ງ ປະຈຳຢູ່ທິດເຫນືອ (ປ. ກຸເວຣ)
- ກຸໂງກ
- ນ. ນົກຍູງ (ຂ.) “ຟັງສຽງ ກຸໂງກຮ້ອງຮຽງແມ່ມັດຊຸທາ” (ທ້າວຮຸ່ງທ້າວເຈືອງ)
- ກຸ່ນ
- ວ. ຜົງທຸລີທີ່ຟົ້ງຂຶ້ນໄວໆ (ດິນໄງ່ກຸ່ນ)
- ກຸ້ງ
- ນ. ສັດນ້ຳແນວນຶ່ງ ຕົວເປັນກາບຫຸ້ມຊີ້ນ ຫລັງຂົດ; ກຸ້ງຝອຍ ນ. ກຸ້ງຕົວນ້ອຍໆ.
- ກຸ້ຍ
- ນ. ຜີປ່າ, ຄົນຊົ່ວ, ຄົນປ່າ (ຈ.)
| ວັຈນານຸກົມພາສາລາວ ໂດຍ ມະຫາສິລາ ວີຣະວົງສ໌ | LaoDictionary.net | ວັດຈະນານຸກົມພາສາລາວ, ລາວແປລາວ, ລາວແປອັງກິດ ແລະອັງກິດແປລາວ. |
| ຄວາມເປັນມາ • ໑໐ ອັນດັບ • ສົ່ງຄຳຕິຊົມ • ເຂົ້າໃຊ້ລະບົບ |  ຂຶ້ນເທິງສຸດ |
| © ໒໐໐໙ - ໒໐໑໐ LaoDictionary.net | XHTML | CSS | ລະບົບຄຳສັບໂດຍ Glossword ໑.໘.໑໑ |