 | LaoDictionary.net | ວັດຈະນານຸກົມພາສາລາວ ເພື່ອຄົນລາວ. ເກີດເປັນຄົນລາວ ຈົ່ງຮູ້ໃຊ້ພາສາລາວ ເຮົາຄົນລາວຖ້າບໍ່ໃຊ້ພາສາລາວ ແລ້ວຄົນຜູ່ໃດຈະມາໃຊ້ ພາສາເຮົາ? |
| ຜົນການຊອກຫາ: 196 | ໜ້າທີ 2 ຈາກທັງໝົດ 10 ໜ້າ |
- ສນຽມ
- ນ. ປອກຄໍມ້າ - ກະດິງມ້າ " ມ້າແອບຄຸ້ມ ຄໍສອດ ສນຽມທອງ ນາຍນັກການເຂົາ ແຕ່ງດີດາມ້ຽນ " (ສິນໄຊ)
- ສນ່ອຍ - ສະໜ່ອຍ
- ວ. ໜ້ອຍນຶ່ງ.
- ສມອງ - ສະໝອງ
- ນ. ຂອງແຫລວ ຢູ່ພາຍໃນກະໂບງຫົວມີລັກສະນະອ່ອນໆ ຫົດເປັນຟອງເປັນບ່ອນໂຮມປະສາດໃຫ້ເກີດຄວາມຮູ້ ເອີ້ນວ່າ ມັນສມອງ ຫຼື ຫົວສະໝອງ; ສະຕິປັນຍາ, ຄວາມສະຫຼາດ.
- ສມອນ - ສະໝອນ
- ນ. ຜູ່ຕາຍຮ່ວມັນ, ຊູ້ຮັກສຸດໃຈ, ນາງງາມ (ປ. ສມຣ)
- ສມອນພູ - ສະໝໍຣະພູມ
- ສະໝໍລະພູມ ນ. ສະໜາມຮົບ (ປ. ສມຣພູມິ)
- ສມັກ - ສະໝັກ
- ກ. ເຂົ້າເປັນພັກພວກ, ອາສາ, ຍິນຍອມ, ເຕັມໃຈ, ພ້ອມພຽງ (ປ. ສມັຄຄ)
- ສມັຍ - ສະໄໝ
- ກ. ເວລາ, ຄາວ, ເທື່ອ, ຄັ້ງ (ປ. ສມຍ)
- ສມາດ - ສະໝາດ
- ນ. ຄຳຫຍໍ້, ຄຳເວົ້າປະເພດນຶ່ງໃນໄວຍາກອນ ຄື ເອົາຄຳຫຼາຍຄຳຕໍ່ເຂົ້າກັນ ຫຼືຫຍໍ້ເຂົ້າກັນໃຫ້ເປັນຄຳດຽວ (ປ. ສມາສ)
- ສມານ - ສະໝານ
- ກ. ທຳໃຫ້ຕິດກັນ, ຈອດ, ທຳໃຫ້ຈອດ, ທຳໃຫ້ຕິດຕໍ່ກັນ, ຕໍ່ກັນ.
- ສມິງ - ສະໝິງ
- ນ. ຊື່ເສືອທີ່ເຊື່ອກັນວ່າ ແຕ່ກ່ອນເປັນຄົນ ມີວິຊາແກ່ກ້າແລ້ວກາຍເປັນເສືອ.
- ສມີ - ສະໝີ
- (ມາຈາກ ຣັສມີ) ນ. ຣັສມີ. ແສງສະຫວ່າງ.
- ສມຸ - ສະໝຸ
- ນ. ໝູ່, ພວກ, ຊຸມ, ຈຸ້ມ. (ປ. ສມຸຫ); ສມຸບັນຊີ ນ. ຫົວໜ້າການບັນຊີ (ປ.)
- ສມຸດ - ສະໝຸດ
- 1 ນ. ປື້ມຂຽນ, ພັບສຳລັບຂຽນໜັງສື. 2 ນ. ທະເລ (ປ. ສມຸທ)
- ສມຽນ - ສະໝຽນ
- ນ. ຄົນສຳລັບຂຽນໜັງສື, ຕຳແໜ່ງຂຽນໜັງສື.
- ສມໍ - ສະໝໍ
- ນ. ຂອງໜັກທີ່ຢ່ອນລົງພື້ນນ້ຳໃຫ້ຕິດກັບດິນ ເພື່ອເອົາໂສ້ ຫຼືເຊືອກຜູກຕິດກັບເຮືອໄວ້ ບໍ່ໃຫ້ເຮືອໄຫຼ; ທຸ່ນ, ທຸ່ນຜູກເຮືອ.
- ສຣະ - ສະຫລະ
- (ເບິ່ງ ສະຣະ)
- ສລວຍ - ສະຫລວຍ
- ວ. ງາມ (ຄຳນີ້ ແປງເປັນ ສວຍລວຍ)
- ສລອກກອກ - ສະຫລອກກອກ
- ວ. ດື້ດ້ານ ພໍໃຫ້ຢາກຫົວ (ຄົນສະຫລອກກອກ)
- ສລອງ - ສະຫຼອງ
- ກ. ຍ້ອງຍໍ, ທຳການຍ້ອງບໍ, ຍ້ອງຍໍອານິສົງຂອງບຸນທີ່ໄດ້ທຳແລ້ວ.
- ສລອດ - ສະຫລອດ
- ວ. ລັບລີ້, ສອດແສ້ວ: “ກຸມພັນປະສົງ ສລອດປຸນໄປຢັ້ງ” (ສິນໄຊ)
| ວັຈນານຸກົມພາສາລາວ ໂດຍ ມະຫາສິລາ ວີຣະວົງສ໌ | LaoDictionary.net | ວັດຈະນານຸກົມພາສາລາວ, ລາວແປລາວ, ລາວແປອັງກິດ ແລະອັງກິດແປລາວ. |
| ຄວາມເປັນມາ • ໑໐ ອັນດັບ • ສົ່ງຄຳຕິຊົມ • ເຂົ້າໃຊ້ລະບົບ |  ຂຶ້ນເທິງສຸດ |
| © ໒໐໐໙ - ໒໐໑໐ LaoDictionary.net | XHTML | CSS | ລະບົບຄຳສັບໂດຍ Glossword ໑.໘.໑໑ |