 | LaoDictionary.net | ວັດຈະນານຸກົມພາສາລາວ ເພື່ອຄົນລາວ. ເກີດເປັນຄົນລາວ ຈົ່ງຮູ້ໃຊ້ພາສາລາວ ເຮົາຄົນລາວຖ້າບໍ່ໃຊ້ພາສາລາວ ແລ້ວຄົນຜູ່ໃດຈະມາໃຊ້ ພາສາເຮົາ? |
| ຜົນການຊອກຫາ: 705 | ໜ້າທີ 22 ຈາກທັງໝົດ 36 ໜ້າ |
- ກາກະເລົາ
- ນ. ຕົ້ນໄມ້ແນວນຶ່ງ ດອກສີມຸ່ຍ ແລະ ເປັນດອກໃນລະດູຝົນ, ຕົ້ນແລະໃບ ຄືຕົ້ນເປືອຍ.
- ກາກີ
- 1 ນ. ກາຕົວແມ່. 2 ສີຢ່າງນຶ່ງ ເປັນສີຂຽວເມີ້ນ ຫລື ໃບໄມ້ແຫ້ງ ເອີ້ນວ່າ ສີກາກີ (ປ. ກາກີ)
- ກາກ່ອງ
- ວ. ງາມ: “ກາກ່ອງເນື້ອ ງາມລ້ຳລູກຂອມ” (ທ້າວຮຸ່ງ ທ້າວເຈືອງ)
- ກາງ
- 1 ນ. ຊື່ພະຍາດແນວນຶ່ງ ເປັນຕຸ່ມເປື່ອຍ ເກີດຕາມປາກ ຫລື ຮ່າງກາຍ; 2 ກ. ພືອອກ, ຈ່າງອອກ, ຕັນໄວ້, ລັດໄວ້; 3 ນ. ສ່ວນຢູ່ເຄິ່ງ, ສ່ວນທີ່ບໍ່ຂ້ອນໄປທາງໃດທາງນຶ່ງ, ພາຍໃນ, ລະຫວ່າງ, ທີ່ໂຮມ (ສູນກາງການສຶກສາ) More…
- ກາງກາດ
- ນ. ກາງຕລາດ: “ກູນີ້ ມິໃຊ່ສາມານເຊື້ອ ຍິງເກກາງກາດ” (ສິນໄຊ)
- ກາງຂອງ
- ນ. ຊື່ຕົ້ນໄມ້ແນວນຶ່ງ ມັກເປັນດອກໃນຣະດູເດືອນ 11 ດອກມີກິ່ນຫອມ ແຫ້ງແລ້ວໃຊ້ຜະສົມຢາດູດ.
- ກາງຄືນ
- ນ. ເວລາແຕ່ຄ່ຳໄປຫາແຈ້ງ.
- ກາງຄົນ
- ວ. ມີອາຍຸຢູ່ໃນລະຫວ່າງກາງ ບໍ່ຫນຸ່ມ ບໍ່ແກ່.
- ກາງດິນ
- ນ. ທີ່ນອກຮົ່ມ (ນອນກາງດິນ ກິນກາງຫຍ້າ)
- ກາງຫາວ
- ນ. ກາງອາກາດ, ຟ້າ.
- ກາງເກົ່າກາງໃຫມ່
- ວ. ບໍ່ເກົ່າ ບໍ່ໃຫມ່.
- ກາງເຂນ
- ນ. ຮູບໄມ້ຕີນກາ ເປັນເຄື່ອງນັບຖືແທນພຣະເຍຊູ ຂອງພວກຖືສາສນາຄຣິສຕັງ.
- ກາງເວັນ
- ນ. ເວລາຕັ້ງແຕ່ເຊົ້າ ໄປຫາຄ່ຳ.
- ກາງແກ
- ນ. ນົກແນວນຶ່ງ ຕົວຄືນົກເຂົາ (ສ່ວນຫລາຍ ເປັນນົກຄົນລ້ຽງ)
- ກາງແກ່
- ວ. ໂພດ, ເຫລືອ, ກະດໍ້ກະເດັ້ຍ.
- ກາງແກ່ງ
- ນ. ກາງເດີ່ນ, ບ່ອນແປນ.
- ກາງແຈ້ງ
- ນ. ທີ່ນອກຮົ່ມ, ທີ່ບໍ່ມີແນວມຸງ.
- ກາຈັບເຫລັກ
- ນ. ຊື່ວິທີການທວາຍຢ່າງນຶ່ງ ສຳລັບທວາຍເບິ່ງຂອງເສຍ ຕາມແບບບູຮານ ທີ່ເຄີຍຖືກັນມາ ມີຢູ່ 3 ຄຳ ຄື: ກາຈັບເຫລັກ, ໄມ້ຫັກທັບທາງ, ນົກຍາງບິນຫນີ; ວິທີຈະທວາຍ ໃຫ້ໄລ່ຕາມວັນຂຶ້ນແຮມ ຈົນເຖິງວັນຂອງເສຍ.
- ກາຊາດ
- (ມາຈາກ ກາກະບາດຊາດ) ນ. ເຄື່ອງຫມາຍຮູບຕີນກາສີແດງ, ເປັນເຄື່ອງຫມາຍສະເພາະການກຸສົນ ມີທຸກປະເທດ ເອີ້ນວ່າ ສະພາກາຊາດ ເປັນບ່ອນທີ່ປິ່ນປົວຄົນເຈັບ; ເຄື່ອງຫມາຍໂຮງພະຍາບານ.
- ກາຍ
- 1 ນ. ຕົນຕົວ, ຮ່າງຄີງ, ລຳຕົ້ນ, ຫມູ່ພວກ, ຫມວດ (ປ. ກາຍ). 2 ກ. ຜ່ານໄປມາ, ເລື່ອນ, ປ່ຽນແປງ, ກັບເກີດ.
| ວັຈນານຸກົມພາສາລາວ ໂດຍ ມະຫາສິລາ ວີຣະວົງສ໌ | LaoDictionary.net | ວັດຈະນານຸກົມພາສາລາວ, ລາວແປລາວ, ລາວແປອັງກິດ ແລະອັງກິດແປລາວ. |
| ຄວາມເປັນມາ • ໑໐ ອັນດັບ • ສົ່ງຄຳຕິຊົມ • ເຂົ້າໃຊ້ລະບົບ |  ຂຶ້ນເທິງສຸດ |
| © ໒໐໐໙ - ໒໐໑໐ LaoDictionary.net | XHTML | CSS | ລະບົບຄຳສັບໂດຍ Glossword ໑.໘.໑໑ |