 | LaoDictionary.net | ວັດຈະນານຸກົມພາສາລາວ ເພື່ອຄົນລາວ. ເກີດເປັນຄົນລາວ ຈົ່ງຮູ້ໃຊ້ພາສາລາວ ເຮົາຄົນລາວຖ້າບໍ່ໃຊ້ພາສາລາວ ແລ້ວຄົນຜູ່ໃດຈະມາໃຊ້ ພາສາເຮົາ? |
| ຜົນການຊອກຫາ: 705 | ໜ້າທີ 4 ຈາກທັງໝົດ 36 ໜ້າ |
- ກະຊາມ
- ວ. ກະເທີນ, ເຖິງຍາມ: “ເດືອນສິບສອງມາຮອດແລ້ວ ພໍກະຊາມໄຂ້ສັ່ນ ປີນີ້ເດືອນຍີ່ມາແລ່ນຮ້ອນ ເດືອນຫ້າຕ່າວຫນາວ” (ຄຳກອນບູຮານ)
- ກະຊິບ - ກະຊິບກະຊາບ
- ກ. ເວົ້າຄ່ອຍໆໃກ້ຫູ ສ່ຳ ຫລື ສຶ່ມໃສ່ຫູ ວ. ອາການເວົ້າຄ່ອຍໆ ແລະຟ້າວ.
- ກະຊ້າ
- ນ. ພາຊະນະ ສານດ້ວຍໄມ້ໄຜ່ ຫລື ຂອງອື່ນ ສຳລັບໃສ່ສິ່ງຂອງ; “ຈວງຈັນຫລ້າງ ຂອງແພງທາງເທດ ສັງຊິມາຄວ່າຫ້ອຍ ຫູກະຊ້າທ່ຽວຂາຍ” (ຄຳກອນບູຮານ)
- ກະຍອມ
- ນ. ໄມ້ແນວນຶ່ງແກ່ນແຂງຄືໄມ້ແຄນ ດອກເປັນພົ້ວສີຂາວ ກິ່ນຫອມ ເປັນດອກໃນລະດູເດືອນສາມ ເດືອນສີ່.
- ກະຍັງ
- ນ. ເຄື່ອງໃຊ້ສານດ້ວຍຕອກ ຫລື ຫວາຍ ຄືຮູບກະບຸງ ແຕ່ສູງ ແລະມີສາຍພາຍ (ເປັນເຄື່ອງໃຊ້ຂອງພວກລາວເທິງ)
- ກະຍາຫານ
- ນ. ເຄື່ອງກິນ, ອາຫານ (ຂ.)
- ກະຍູງ
- ນ. ໄມ້ແນວນຶ່ງ ແກ່ນສີດຳແດງ ເປັນໄມ້ຢ່າງດີທີນຶ່ງ (ໄມ້ຍູງ ກໍວ່າ)
- ກະຍ່າ
- ນ. ຜັກແນວນຶ່ງ ກິ່ນຂິວ ໃບສ້ອຍ ຕາມກ້ານແລະຕົ້ນ ມີຫນາມ (ກ້ານຍ່າ ຫລື ກ້ານຫຍ້າ ກໍເອີ້ນ)
- ກະດອງ
- ນ. ດອງ, ດອງເຕົ່າ (ເບິ່ງ ດອງ ດ້ວຍ)
- ກະດອມ
- ນ. ໄມ້ຈຳນວນນຶ່ງ ມີ 3 ແນວຄື: 1. ກະດອມຕົ້ນ ເປັນໄມ້ຂະຫນາດກາງ ໃບສ້ອຍ ດອກເປັນພົ້ວ ສີຂາວ 2. ກະດອມພຸ່ມ ເປັນໄມ້ພຸ່ມ ດອກສີຂາວກິ່ນຫອມ 3. ກະດອມເຄືອ ດອກສີຂາວ ຫມາກເປັນລ່ຽມ ມີລົດຂົມ.
- ກະດັດ
- ວ. ໂພດ, ເຫລືອເກີນ, ກະດັດກະດໍ້, ໂພດເຫລືອ.
- ກະດັນ
- ນ. ຕົ້ນໄມ້ແນວນຶ່ງ ໃບນ້ອຍຍາວ ມີລົດສົ້ມ ມັກເກີດຕາມແຄມນ້ຳ, ຊີ້ນ ຫລື ນວນຫມາກໄມ້ ທີ່ເປັນກ້ອນແຂງ. ວ. ເປັນກ້ອນແຂງ.
- ກະດັນຂາ
- ນ. ພະຍາດທີ່ເປັນກ້ອນແຂງ ຢູ່ແອບຂາ.
- ກະດັນງາ
- ນ. ຕົ້ນໄມ້ແນວນຶ່ງ ດອກເປັນກາບສ້ອຍ ມີ 3 ກາບ ສີເຫລືອງ ກິ່ນຫອມ, ມີ 2 ແນວຄື: ກະດັນງາບ້ານ, ກະດັນງາປ່າ.
- ກະດາກ
- ນ. ລະອາຍໃຈ, ຈຽມໃຈ.
- ກະດາຍ
- ວ. ເປັນຄຳຕໍ່ທ້າຍ ເພື່ອໃຫ້ປະໂຫຍກຄຳເວົ້າທີ່ຢູ່ຫນ້າຫນັກແຫນ້ນ: “ເຫັນວ່າກະດາຍ”
- ກະດາດ
- ນ. ເຈ້ຍ; ກະດາດແກ້ວ ນ. ເຈ້ຍທີ່ເປັນແຜ່ນບາງໆ ແລະ ໃສ; ກະດາດຊາຍ ນ. ເຈ້ຍ ສຳລັບຂັດຂອງໃຫ້ກ້ຽງ ທາງພື້ນມີຫີນ ຫລື ເມັດຊາຍຕິດຢູ່.
- ກະດານ
- ນ. ແຜ່ນແປ້ນ, ແຜ່ນຫີນ, ແຜ່ນແປ້ນ ຫລື ຫີນ ສຳລັບໃຊ້ຂຽນຫນັງສື; ກະດານດຳ ນ. ຫີນ ຫລື ແປ້ນ ເປັນສີດຳ ສຳລັບຂຽນຫນັງສື; ກະດານຫີນ ນ. ແຜ່ນຫີນ, ພະລານຫີນ; ກະດານຫົວ ນ. ດູກຫົວ: “ສອນສະແຫວງມ້າງ More…
- ກະດິກ
- ກ. ເຮັດອະໄວຍະວະບ່ອນໃດບ່ອນນຶ່ງ ມີມື ເປັນຕົ້ນ ໃຫ້ເຫນັງໄວໆ.
- ກະດິງ
- 1 ນ. ເຄື່ອງສັ່ນໃຫ້ມີສຽງດັງ ເພື່ອສັນຍານໃຫ້ໄດ້ຍິນ ເຮັດດ້ວຍໂລຫະ ມີລູກພັດຢູ່ທາງໃນ ສຳລັບແຂວນຄໍສັດ ຫລື ແຂວນຕາມໂງ່ນສິມ ເປັນຕົ້ນ. 2 ນ. ຊື່ແມ່ນ້ຳສາຍນຶ່ງ ເປັນສາຂາຂອງນ້ຳຂອງ More…
| ວັຈນານຸກົມພາສາລາວ ໂດຍ ມະຫາສິລາ ວີຣະວົງສ໌ | LaoDictionary.net | ວັດຈະນານຸກົມພາສາລາວ, ລາວແປລາວ, ລາວແປອັງກິດ ແລະອັງກິດແປລາວ. |
| ຄວາມເປັນມາ • ໑໐ ອັນດັບ • ສົ່ງຄຳຕິຊົມ • ເຂົ້າໃຊ້ລະບົບ |  ຂຶ້ນເທິງສຸດ |
| © ໒໐໐໙ - ໒໐໑໐ LaoDictionary.net | XHTML | CSS | ລະບົບຄຳສັບໂດຍ Glossword ໑.໘.໑໑ |