 | LaoDictionary.net | ວັດຈະນານຸກົມພາສາລາວ ເພື່ອຄົນລາວ. ເກີດເປັນຄົນລາວ ຈົ່ງຮູ້ໃຊ້ພາສາລາວ ເຮົາຄົນລາວຖ້າບໍ່ໃຊ້ພາສາລາວ ແລ້ວຄົນຜູ່ໃດຈະມາໃຊ້ ພາສາເຮົາ? |
| ຜົນການຊອກຫາ: 196 | ໜ້າທີ 8 ຈາກທັງໝົດ 10 ໜ້າ |
- ສົມບັດ
- ນ. ຄວາມເຖິງພ້ອມ, ເງິນຄຳເຂົ້າຂອງ (ປ. ສັມປັຕຕິ)
- ສົມບູນ
- ວ. ເຕັມພ້ອມ, ມີທຸກຢ່າງ (ປ. ສັມປຸນນ)
- ສົມປະກອບ
- ວ. ພໍດີກັນ.
- ສົມຜຸດ
- ນ. ເປັນຄຳໃຊ້ຈຳເພາະໃນທາງໂຫຣາສາດ ໝາຍເອົາການໄລ່ເລກທີ່ກ່ຽວກັບໂລກ ແລະດາວນົພເຄາະຮ່ວມກັນ (ສຳຜຸດ ກໍວ່າ)
- ສົມພາດ
- ນ. ການຢູ່ຮ່ວມ, ການເສບປະເວນີ (ປ. ສໍ + ວິຊ)
- ສົມພານ
- ນ. ບຸນທີ່ໄດ້ຫອມຫັບໄວ້ແຕ່ຊາດກ່ອນ (ປ. ສັມພາຣ)
- ສົມພື້ນ
- (ເບິ່ງ ສົມນ້ຳໜ້າ)
- ສົມພົງ
- ນ. ການຮ່ວມວົງສະກຸນ, ວິທີເຮັດເລກວ່າຍິງຊາຍຈະຮ່ວມເປັນຜົວເມຍກັນໄດ້ຫຼືບໍ່?
- ສົມພົບ
- ນ. ການເກີດ (ປ. ສັມພວ)
- ສົມມຸດ
- ກ. ຕົກລົງກັນ, ບັນຍັດຂຶ້ນ, ຕັ້ງຂຶ້ນ. ນ. ການກຳນົດຕັ້ງຂຶ້ນ, ການເຫັນດີພ້ອມກັນຕັ້ງຂຶ້ນ, ຄວາມຍິນດີນຳກັນ (ປ. ສັມມຕິ)
- ສົມຣົດ - ສົມລົດ
- ນ. ການແຕ່ງດອງ (ປ. ສໍ+ຣສ)
- ສົມວັຍ - ສົມໄວ
- ວ. ຮຸ່ນດຽວກັນ, ເກີດປີດຽວກັນ, ງາມ (ປ. ສມວຍ)
- ສົມສູ່
- ວ. ຢູ່ຮ່ວມກັນເປັນຜົວເມຍ.
- ສົມຮູ້
- ກ. ຮ່ວມຮູ້ເຫັນນຳກັນ.
- ສົມເດັດ
- ນ. ເປັນຄຳຍໍ້ອງຍໍ ໝາຍຄວາມວ່າ ປະເສີດ ຫຼື ຍິ່ງໃຫຍ່ ໃຊ້ປະກອບໜ້າຄຳທີ່ເປັນ ຖານັນດອນສັກໂດຍກຳເນີດ ຫຼືໂດຍແຕ່ງຕັ້ງ ດັ່ງສົມເດັດພຣະເຈົ້າແຜ່ນດິນ, ສົມເດັດ ພຣະສັງຄະຣາດ, ສົມເດັດຣາຊຄູ ເປັນຕົ້ນ.
- ສົມໂພດ
- ນ. ການກິນຮ່ວມ, ງານລ້ຽງ, ການລ້ຽງອາຫານ, ບຸນສະຫຼອງ, ງານມຸງຄຸນເພື່ອມ່ວນ (ປ. ສັມໂພຊນ)
- ສົ້ມ
- 1 ວ. ຣົດຢ່າງນຶ່ງກົງກັນຂ້າມກັບຫວານ. ນ. ອາຫານທີ່ມີຣົດສົ້ມ ດັ່ງ ສົ້ມປາ ສົ້ມຜັກ ເປັນຕົ້ນ. 2 ນ. ມົດແນວນຶ່ງ ຕົວແດງໆ ມີຣົດສົ້ມ ຮຽກ ມົດສົ້ມ ຫຼືມົດແດງ.
- ສົ້ມກົບ
- ນ. ຊື່ຕົ້ນໄມ້ແນວນຶ່ງ ເປັນໄມ້ຂະໜາດກາງ ໃຊ້ເຮັດຕູ້ ໂຕະ ໄດ້ດີ ເນື້ອເບົາ.
- ສົ້ມປ່ອຍ
- ນ. ໄມ້ເຄືອແນວນຶ່ງ ໃບເປັນແຫລບ ມີຣົດສົ້ມ.
- ສົ້ມພໍດີ
- ນ. ຜັກແນວນຶ່ງ ເປັນຕົ້ນຄືຕົ້ນປໍ ມີຣົດສົ້ມ.
| ວັຈນານຸກົມພາສາລາວ ໂດຍ ມະຫາສິລາ ວີຣະວົງສ໌ | LaoDictionary.net | ວັດຈະນານຸກົມພາສາລາວ, ລາວແປລາວ, ລາວແປອັງກິດ ແລະອັງກິດແປລາວ. |
| ຄວາມເປັນມາ • ໑໐ ອັນດັບ • ສົ່ງຄຳຕິຊົມ • ເຂົ້າໃຊ້ລະບົບ |  ຂຶ້ນເທິງສຸດ |
| © ໒໐໐໙ - ໒໐໑໐ LaoDictionary.net | XHTML | CSS | ລະບົບຄຳສັບໂດຍ Glossword ໑.໘.໑໑ |