 | LaoDictionary.net | ວັດຈະນານຸກົມພາສາລາວ ເພື່ອຄົນລາວ. ເກີດເປັນຄົນລາວ ຈົ່ງຮູ້ໃຊ້ພາສາລາວ ເຮົາຄົນລາວຖ້າບໍ່ໃຊ້ພາສາລາວ ແລ້ວຄົນຜູ່ໃດຈະມາໃຊ້ ພາສາເຮົາ? |
| ຜົນການຊອກຫາ: 1,712 | ໜ້າທີ 9 ຈາກທັງໝົດ 86 ໜ້າ |
- ກະທ້າງ
- ນ. ສັດສີ່ຕີນແນວນຶ່ງ ຈຳພວກໄຕ່ໄມ້ ຕົວຄືກະປອມ ແຕ່ຕົວໃຫຍ່ກວ່າແລະມີຄໍສີແຫລ້.
- ກະທໍ
- ນ. ເຄື່ອງສານດ້ວຍຕອກ ຫລື ລວດ ຮູບກົມສູງ ສຳລັບໃສ່ຂອງ (ທໍ ກໍວ່າ)
- ກະນວນ
- (ເບິ່ງ ສະນວນ)
- ກະນານ
- ນ. ກະໂປະ, ປໍ້ຫມາກໄມ້ ທີ່ມີນວນຢູ່ທາງໃນ, ກະໂປະຫມາກພ້າວ (ທະນານ ກໍວ່າ)
- ກະນິດຖາ
- ນ. ນ້ອງ, ນິ້ວກ້ອຍ (ປ. ກນິຕຖາ; ກະນິດຖະພາຄິນີ ນ. ນ້ອງສາວ; ກະນິດຖະພາຕາ ນ. ນ້ອງຊາຍ (ປ.)
- ກະນູນ
- ນ. ແມງຈຳນວນນຶ່ງ ຢູ່ໃນດິນ ມີປີກບິນໄດ້ ກິນໃບໄມ້ອ່ອນ (ຈີ່ນູນ ກໍວ່າ)
- ກະນ່ອງ
- ນ. ອະໄວຍະວະ ຂອງຄົນແລະສັດ ບ່ອນຂາກັບຕີນຕໍ່ກັນ ທາງດ້ານຫລັງ.
- ກະນ່ອງມ້າ
- ນ. ຜັກແນວນຶ່ງ ເກີດຢູ່ຕາມຫນອງ ໃບຄືເລັບມ້າ.
- ກະບວຍ
- (ເບິ່ງ ບວຍ)
- ກະບວນ
- ນ. ຫມູ່, ພວກ, ວາດຊົງ, ຮູບ, ເພດ: “ຄືຄູ່ແຍງເງົາພ້ຽງ ດູກະບວນໃຜຄ່ອງ ຄັນວ່າຄົນຮູບຮ້າຍ ເງົານັ້ນ ກໍດັ່ງກັນ” (ອິນທິຍານສອນລູກ)
- ກະບອກ
- (ເບິ່ງ ບອກ)
- ກະບອງ
- ນ. ເຄື່ອງສຳລັບໄຕ້ໃຫ້ເຫັນຮຸ່ງ ທຳດ້ວຍນ້ຳມັນຍາງ ກັບໄມ້ໂດກແລ້ວເອົາໃບຕອງຮຳ ຫລື ຫໍ່.
- ກະບັກກະບວນ
- ວ. ສົມຄວນ, ມີຄວາມເອົາໃຈໃສ່ (ທຳເປັນກະບັກກະບວນ)
- ກະບັງ
- ນ. ຫມວກແກ໊ບ ທີ່ມີແງບບັງ ຢູ່ທາງຫນ້າ, ແງບບັງຫນ້າຫມວກ.
- ກະບັດ
- ສໍ້ເອົາຂອງ, ໂກງເອົາ, ອຳເອົາຂອງຄົນອື່ນ (ມາຈາກ ກະບົດ)
- ກະບັ້ງ
- ນ. ເສື້ອຊັ້ນໃນຂອງຜູ່ຊາຍຊະນິດແຂນສັ້ນ ແລະ ບໍ່ມີດຸມ ເວລານຸ່ງສຸບເຂົ້າທາງຫົວ. 2 ນ. ໂບກໄມ້.
- ກະບາ
- ນ. ນົກແນວນຶ່ງ ເປັນນົກຫາກິນເວລາຄ່ຳແລະນອນຢູ່ກັບດິນ. 2 ນ. ຊື່ງູພິດແນວນຶ່ງ ຕົວຂະຫນາດນິ້ວມື ປາກກວ້າງ ຄື ນົກກະບາ (ເອີ້ນ ງູເພົາກະບາ ກໍມີ). 3 ນ. ຊື່ໄມ້ພຸ່ມແນວນຶ່ງ ໃບສີຫມົ່ນ ມັກເກີດຕາມບະ More…
- ກະບາກ
- ນ. ຕົ້ນໄມ້ແນວນຶ່ງ ເປັນຕົ້ນໄມ້ຂະຫນາດໃຫຍ່ ລຳຊື່ ແລະ ແກ່ນບໍ່ແຂງ (ໄມ້ບາກກໍວ່າ)
- ກະບາດ
- (ມາຈາກ ຂ້າບາດ ເບິ່ງ ຂ້າບາດ)
- ກະບານ
- ນ. ດູກຫົວ, ເຟື້ອງຫມໍ້, ຖ້ວຍຊາມ (ປ. ກປາລ)
| ວັຈນານຸກົມພາສາລາວ ໂດຍ ມະຫາສິລາ ວີຣະວົງສ໌ | LaoDictionary.net | ວັດຈະນານຸກົມພາສາລາວ, ລາວແປລາວ, ລາວແປອັງກິດ ແລະອັງກິດແປລາວ. |
| ຄວາມເປັນມາ • ໑໐ ອັນດັບ • ສົ່ງຄຳຕິຊົມ • ເຂົ້າໃຊ້ລະບົບ |  ຂຶ້ນເທິງສຸດ |
| © ໒໐໐໙ - ໒໐໑໐ LaoDictionary.net | XHTML | CSS | ລະບົບຄຳສັບໂດຍ Glossword ໑.໘.໑໑ |