 | LaoDictionary.net | ວັດຈະນານຸກົມພາສາລາວ ເພື່ອຄົນລາວ. ເກີດເປັນຄົນລາວ ຈົ່ງຮູ້ໃຊ້ພາສາລາວ ເຮົາຄົນລາວຖ້າບໍ່ໃຊ້ພາສາລາວ ແລ້ວຄົນຜູ່ໃດຈະມາໃຊ້ ພາສາເຮົາ? |
| ຜົນການຊອກຫາ: 355 | ໜ້າທີ 16 ຈາກທັງໝົດ 18 ໜ້າ |
- ກະແຈ
- ນ. ເຄື່ອງໃສ່ປະຕູ, ຕູ້, ຫີບ ເປັນຕົ້ນ ເພື່ອໃຫ້ໄຂບໍ່ໄດ້ ທຳດ້ວຍໂລຫະ ຫລື ໄມ້ ມີໄລເກາະທາງໃນ ແລະມີລູກສຳລັບໄຂ (ປ. ກຸນຈິກາ).
- ກະແຈດານ
- ນ. ກະແຈໄມ້ແບບບູຮານ ຝັກ ແລະໄລ ຕິດຢູ່ກັບຝາປະຕູດ້ານໃນ (ດັ່ງດຽວກັບກະແຈຕູ້ ທຸກວັນນີ້)
- ກະແຈມື
- ນ. ກະແຈເປັນວົງມົນໆ ສຳລັບໃສ່ຄໍ່ມືຜູ່ກະທຳຜິດ.
- ກະແຈະ
- 1 ນ. ແປ້ງຫອມ, ຝຸ່ນຈັນຫອມ. 2 ນ. ຊື່ແຂວງຫນຶ່ງໃນປະເທດຂະເຫມນ ຢູ່ຕໍ່ແດນປະເທດລາວ ແຂວງຈຳປາສັກ.
- ກະແຊ
- 1 ນ. ຊື່ການຫລິ້ນແນວນຶ່ງ ຂອງພວກລາວເຫນືອ, 2 ນ. ຊື່ພະຍາດເຈັບທ້ອງແນວນຶ່ງ ມີອາການເຈັບສຽບ.
- ກະແຊງ
- ນ. ຊື່ເຮືອໃຫຍ່ທີ່ມີແປ້ນບອງຂ້າງ ສຳລັບຍ່າງຖໍ່ ເອີ້ນວ່າ ເຮືອກະແຊງ.
- ກະແຍງ
- 1 ນ. ຊື່ປາແນວນຶ່ງ ຕົວນ້ອຍ ມີງ່ຽງຢູ່ແຄມຫູ ແລະ ສັນຫລັງ. 2 ນ. ຊື່ຜັກແນວນຶ່ງ ກິ່ນຂິວ ເກີດຕາມໄຮ່ນາ ໃນລະດູຝົນ.
- ກະແຍງໂຄ
- ນ. ປາກະແຍງແນວຕົວໃຫຍ່.
- ກະແດບເດົ້າ
- ນ. ຊື່ນົກແນວນຶ່ງ ເປັນນົກຫາກິນຕາມແຄມນ້ຳ ຕົວນ້ອຍ ຂົນສີຫມົ່ນ ເວລາຢືນ ທຳອາການເດົ້າງັບໆ. ນົກກະແດບດິນ ກໍວ່າ : “ຈິບກ່າປໍ້ ເປຍຝ້າຍກະແດບດິນ” (ສິນໄຊ)
- ກະແດບໆ
- (ດັ່ງດຽວກັນກັບ ກະເດບໆ ແຕ່ເປັນອາການ ຂອງຕົວນ້ອຍ)
- ກະແດ່ວ
- (ດັ່ງດຽວກັບກະເດ່ວ ແຕ່ເປັນອາການຂອງຜູ່ນ້ອຍ)
- ກະແດ້ງ
- ວ. ຫ່ຽວແຫ້ງ, ແຫ້ງ: “ຂາກະທວຍແຫ້ງ ອັນກະແດ້ງດ້ວຍແດດ ແລະ ແປວໄຟ” (ເວດສັນຕຣະ)
- ກະແຕ
- ນ. ສັດສີ່ຕີນແນວນຶ່ງ ຈຳພວກໄຕ່ໄມ້ ຕົວຂະຫນາດກະຮອກດຳ ຂົນທັງສອງຂ້າງ ມີສີຂາວເປັນແຊກ.
- ກະແຕບ
- (ເບິ່ງ ແຕບ)
- ກະແຕລອດຂອນ
- ນ. ຊື່ພຸ່ມໄມ້ແນວນຶ່ງ ມີຫົວໃຊ້ເຮັດຢາ (ຫົວຄ້ອນກະແຕ ກໍວ່າ)
- ກະແຕະ
- ນ. ເຄື່ອງສານດ້ວຍໄມ້ໄຜ່, ສານລາຍຂັດເປັນແຜ່ນ ສຳລັບຕາກຂອງ ຫລື ເຮັດຝາ (ຝາແຕະ ກໍວ່າ)
- ກະແຕແຊ
- ນ. ຝາອັດກະຕ່າສຳລັບໃສ່ປາ (ແຕແຊ ກໍວ່າ)
- ກະແຕແຮ
- (ເບິ່ງ ກະແຕແຊ)
- ກະແທກ
- ກ. ແດກ, ທັ່ງ.
- ກະແທວ
- ນ. ໄມ້ພຸ່ມແນວນຶ່ງ ຕາມງ່າແລະຕົ້ນ ມີຫນາມງໍ ແລະ ຄົມ.
| ວັຈນານຸກົມພາສາລາວ ໂດຍ ມະຫາສິລາ ວີຣະວົງສ໌ | LaoDictionary.net | ວັດຈະນານຸກົມພາສາລາວ, ລາວແປລາວ, ລາວແປອັງກິດ ແລະອັງກິດແປລາວ. |
| ຄວາມເປັນມາ • ໑໐ ອັນດັບ • ສົ່ງຄຳຕິຊົມ • ເຂົ້າໃຊ້ລະບົບ |  ຂຶ້ນເທິງສຸດ |
| © ໒໐໐໙ - ໒໐໑໐ LaoDictionary.net | XHTML | CSS | ລະບົບຄຳສັບໂດຍ Glossword ໑.໘.໑໑ |