 | LaoDictionary.net | ວັດຈະນານຸກົມພາສາລາວ ເພື່ອຄົນລາວ. ເກີດເປັນຄົນລາວ ຈົ່ງຮູ້ໃຊ້ພາສາລາວ ເຮົາຄົນລາວຖ້າບໍ່ໃຊ້ພາສາລາວ ແລ້ວຄົນຜູ່ໃດຈະມາໃຊ້ ພາສາເຮົາ? |
| ຜົນການຊອກຫາ: 355 | ໜ້າທີ 12 ຈາກທັງໝົດ 18 ໜ້າ |
- ກະສວຍ
- (ເບິ່ງ ກ້ານສວຍ)
- ກະສວນ
- ນ. ສ່ວນ.
- ກະສອບ
- (ເບິ່ງ ສອບ)
- ກະສັງ
- ນ. ຊື່ຕົ້ນໄມ້ແນວນຶ່ງ ຄ້າຍຄືຕົ້ນຕູມ ໃບນ້ອຍ ມົນ ມີກິ່ນຂິວ ຫມາກສຸກແລ້ວກິນໄດ້ (ຫມາກຂວິດ ກໍວ່າ) ຊື່ຜັກ ແນວນຶ່ງ ໃບມົນ ກິ່ນຂິວ.
- ກະສັຍ - ກະໄສ - ກະສັຍການ - ກະໄສຍະການ
- ນ. ການຫມົດສ້ຽງ, ການສູນໄປ, ຊື່ພະຍາດຝີໃນທ້ອງ ຫລື ປອດແຫ້ງ (ສ. ກສຍ) ນ. ເວລາສ້ຽງໂລກ, ເວລາສຸດ ແຫ່ງສິ່ງທັງປວງ (ສ. ກສັຍກາລ)
- ກະສັຍໂຣກ - ກະໄສຍະໂລກ
- ນ. ຝີໃນທ້ອງ (ສ. ກະສັຍໂຣຄ)
- ກະສັດ - ກະສັດຕາ
- ນ. ພຣະເຈົ້າແຜ່ນດິນ (ປ.ຂັດຕິຍະ, ສ. ກສັຕຣິຍະ ຫມາຍຄວາມວ່າ ຜູ່ປົກຄອງເຂດ) ນ. ເຈົ້າແຜ່ນດິນ, ກະສັດຕາທິຣາດ ນ. ພຣະເຈົ້າແຜ່ນດິນຜູ່ຍິ່ງໃຫຍ່, ກະສັດຕາໄທ້ ນ. ພຣະເຈົ້າແຜ່ນດິນຜູ່ປະເສີດ.
- ກະສັດຕີ
- ນ. ນາງກະສັດ (ສ. ກະສັຕຣີ)
- ກະສັນ
- ກ. ຄະນິງ, ຄຶດ, ຄຶດຢາກໄດ້, ມັກໃນທາງກາມາລົມ.
- ກະສາ
- ນ. ນົກແນວຫນຶ່ງ ຈຳພວກກິນປາ ຕົວໃຫຍ່ ຄໍຍາວ ຂົນສີຫມົ່ນ (ນົກຄໍກ້າກ ກໍວ່າ).
- ກະສາຍ
- 1 ນ. ການຕິດຕໍ່, ການເປັນສື່, ຢາຕົ້ມ, ຢາປະສົມນ້ຳກິນ, ລົດຝາດ. 2 ວ. ຫອມ, ແດງອ່ອນ, ເຫລືອງເຂັ້ມ (ສ. ກສາຍ)
- ກະສາບ
- ນ. ນ້ຳຫນັກເງິນຕາທໍ່ກັບ 4 ບາດ (ສ. ກສາປນ): “ຮ້ອຍກະສາບໄດ້ ຍໍໃຫ້ແກ່ພາມ” (ເວດສັນຕຣະ)
- ກະສິກອນ
- ນ. ຜູ່ທຳການປູກຫວ່ານ ແລະ ລ້ຽງສັດ (ປ. ກສິກຣ)
- ກະສິກັມ - ກະສິກຳ
- ນ. ການເຮັດໄຮ່ໄຖນາ, ການປູກຫວ່ານແລະລ້ຽງສັດ.
- ກະສິການ
- (ເບິ່ງ ກະສິກັມ) (ປ. ກສິກາຣ, ກສິກິຈຈ)
- ກະສິກິດ
- (ເບິ່ງກະສິກັມ)
- ກະສິງ
- ນ. ນາງຟ້ອນ, ນາງລະຄອນ, ການຟ້ອນລຳ. (ນາງກະສິງປະດັບ ແກວ່ງແຟນເຟືອຍຟ້ອນ) (ສິນໄຊ)
- ກະສິນ
- ນ. ຊື່ກຳມະຖານຫມວດນຶ່ງ ທີ່ທຳການແອບເຝິກດ້ວຍການເລັງແລ ເພື່ອທຳຈິດໃຈໃຫ້ຕັ້ງຫມັ້ນ ມີ 10 ປະການ ມີ ອາໂປກະສິນ ການເລັງແລເບິ່ງນ້ຳ ເປັນຕົ້ນ (ປ. ກສິນ)
- ກະສິຣະ - ກະສິລະ
- ນ. ນ້ຳນົມ (ປ.)
- ກະສິຣະທາຣາ - ກະສິລະທາລາ
- ນ. ສາຍນ້ຳນົມ, ອາການໄຫລອອກແຫ່ງນ້ຳນົມ (ປ.)
| ວັຈນານຸກົມພາສາລາວ ໂດຍ ມະຫາສິລາ ວີຣະວົງສ໌ | LaoDictionary.net | ວັດຈະນານຸກົມພາສາລາວ, ລາວແປລາວ, ລາວແປອັງກິດ ແລະອັງກິດແປລາວ. |
| ຄວາມເປັນມາ • ໑໐ ອັນດັບ • ສົ່ງຄຳຕິຊົມ • ເຂົ້າໃຊ້ລະບົບ |  ຂຶ້ນເທິງສຸດ |
| © ໒໐໐໙ - ໒໐໑໐ LaoDictionary.net | XHTML | CSS | ລະບົບຄຳສັບໂດຍ Glossword ໑.໘.໑໑ |