 | LaoDictionary.net | ວັດຈະນານຸກົມພາສາລາວ ເພື່ອຄົນລາວ. ເກີດເປັນຄົນລາວ ຈົ່ງຮູ້ໃຊ້ພາສາລາວ ເຮົາຄົນລາວຖ້າບໍ່ໃຊ້ພາສາລາວ ແລ້ວຄົນຜູ່ໃດຈະມາໃຊ້ ພາສາເຮົາ? |
| ຜົນການຊອກຫາ: 355 | ໜ້າທີ 9 ຈາກທັງໝົດ 18 ໜ້າ |
- ກະບູນ
- ນ. ພະຍາດແນວນຶ່ງ ເປັນກ້ອນແຂງຢູ່ໃນທ້ອງ.
- ກະບົກ
- (ເບິ່ງ ບົກ)
- ກະບົດ
- ນ. ຄວາມຄົດ, ຄວາມບໍ່ຊື່ຕໍ່. ກ. ຄົດໂກງ, ບໍ່ຊື່ຕໍ່ (ປ. ກປຕ)
- ກະບຽນ
- ນ. ພາຊະນະ ສານດ້ວນຕອກ ຮູບມົນແບບສຳລັບໃສ່ຂອງ.
- ກະບ່ອງກະແບ່ງ
- ສ. ຮູຊອດນ້ອຍໆຫລາຍຮູ (ເສື້ອຊອດກະບ່ອງກະແບ່ງ)
- ກະປອມ
- ນ. ສັດສີ່ຕີນແນວນຶ່ງ ຈຳພວກໄຕ່ໄມ້ ມີ 3 ປະເພດ ຄື: 1. ກະປອມຂາງ ຕົວຂະຫນາດໂປ້ມື ບ່ອນກ້ານຄໍສີດຳແດງ: 2. ກະປອມໄຫມ ຕົວນ້ອຍສອງຂ້າງມີຄອງເຫລືອງຍາວ ໄປຕາມຕົວ. 3. ກະປອມປີກ ຄ້າຍຄືກະປອມຂາງ ແຕ່ມີປີກຄື ປີກບ່າງ More…
- ກະປິ
- ອາຫານຄາວຢ່າງນຶ່ງ ເຮັດດ້ວຍກຸ້ງຝອຍ ຫລື ປານ້ອຍ ຫມັກເກືອໃຫ້ເຄັມ ແລະ ຕຳໃຫ້ມຸ່ນ.
- ກະປິບ
- ນ. ພາຊະນະທຳດ້ວຍສັງກະສີ ຮູບສີ່ລ່ຽມສູງ ສຳລັບໃສ່ນ້ຳມັນ (ປິບ ກໍວ່າ)
- ກະປຸກ
- ນ. ພາຊະນະນ້ອຍໆ ຮູບຄືຫມໍ້ສຳລັບໃສ່ອາຫານ.
- ກະປຸ່ມ
- ນ. ພາຊະນະສານດ້ວຍຕອກ ຂັດເປັນຕາ ຮູບກົມຕ່ຳ ສຳລັຍໃສ່ຂອງ.
- ກະປູ
- ນ. ສັດແນວນຶ່ງ ຢູ່ຮູຕາມໄຮ່ຕາມນາ ມີສິບຂາ ຂາໃຫຍ່ມີສອງຂາ ເອີ້ນ ກ້າມ (ປູ ກໍວ່າ)
- ກະປ່ອງ
- ນ. ພາຊະນະຮູບກົມສູງ ຄື ກະບອກ ສຳລັບໃສ່ຂອງ.
- ກະປ່ອມ
- (ເບິ່ງ ປ່ອມ)
- ກະພາບໆ
- ວ. ອາການພືປີກ ຫລື ວາແຂນອອກ ແລ້ວຫຸບເຂົ້າໄວໆ.
- ກະພຸງ
- ນ. ປາແນວນຶ່ງ ມີເກັດ ເປັນປາຂະຫນາດໃຫຍ່ຢູ່ນ້ຳເລິກ ຕົວຄືປາກະມັນ.
- ກະພຸມມື
- ນ. ມືທີ່ນົບຢູ່; ກ. ນົບ.
- ກະມະ
- (ເບິ່ງ ຄະມະ)
- ກະມະລະ
- ນ. ດອກບົວ, ຫມາກຫົວໃຈ, ກະເພາະອາຫານ, ວ. ສີແດງອ່ອນ, ສີກຸຫລາບ (ໃຊ້ວ່າ ກະມົນ) (ປ. ກມລ)
- ກະມະລາກອນ
- ນ. ສະບົວ (ປ. ກມລາກຣ)
- ກະມະລາດ
- ນ. ຜູ່ມີດອກບົວ ຢູ່ທີ່ນັ່ງ ຄື ພຣະພຣົມ (ປ. ກມລາສນ)
| ວັຈນານຸກົມພາສາລາວ ໂດຍ ມະຫາສິລາ ວີຣະວົງສ໌ | LaoDictionary.net | ວັດຈະນານຸກົມພາສາລາວ, ລາວແປລາວ, ລາວແປອັງກິດ ແລະອັງກິດແປລາວ. |
| ຄວາມເປັນມາ • ໑໐ ອັນດັບ • ສົ່ງຄຳຕິຊົມ • ເຂົ້າໃຊ້ລະບົບ |  ຂຶ້ນເທິງສຸດ |
| © ໒໐໐໙ - ໒໐໑໐ LaoDictionary.net | XHTML | CSS | ລະບົບຄຳສັບໂດຍ Glossword ໑.໘.໑໑ |