 | LaoDictionary.net | ວັດຈະນານຸກົມພາສາລາວ ເພື່ອຄົນລາວ. ເກີດເປັນຄົນລາວ ຈົ່ງຮູ້ໃຊ້ພາສາລາວ ເຮົາຄົນລາວຖ້າບໍ່ໃຊ້ພາສາລາວ ແລ້ວຄົນຜູ່ໃດຈະມາໃຊ້ ພາສາເຮົາ? |
| ຜົນການຊອກຫາ: 355 | ໜ້າທີ 8 ຈາກທັງໝົດ 18 ໜ້າ |
- ກະບວຍ
- (ເບິ່ງ ບວຍ)
- ກະບວນ
- ນ. ຫມູ່, ພວກ, ວາດຊົງ, ຮູບ, ເພດ: “ຄືຄູ່ແຍງເງົາພ້ຽງ ດູກະບວນໃຜຄ່ອງ ຄັນວ່າຄົນຮູບຮ້າຍ ເງົານັ້ນ ກໍດັ່ງກັນ” (ອິນທິຍານສອນລູກ)
- ກະບອກ
- (ເບິ່ງ ບອກ)
- ກະບອງ
- ນ. ເຄື່ອງສຳລັບໄຕ້ໃຫ້ເຫັນຮຸ່ງ ທຳດ້ວຍນ້ຳມັນຍາງ ກັບໄມ້ໂດກແລ້ວເອົາໃບຕອງຮຳ ຫລື ຫໍ່.
- ກະບັກກະບວນ
- ວ. ສົມຄວນ, ມີຄວາມເອົາໃຈໃສ່ (ທຳເປັນກະບັກກະບວນ)
- ກະບັງ
- ນ. ຫມວກແກ໊ບ ທີ່ມີແງບບັງ ຢູ່ທາງຫນ້າ, ແງບບັງຫນ້າຫມວກ.
- ກະບັດ
- ສໍ້ເອົາຂອງ, ໂກງເອົາ, ອຳເອົາຂອງຄົນອື່ນ (ມາຈາກ ກະບົດ)
- ກະບັ້ງ
- ນ. ເສື້ອຊັ້ນໃນຂອງຜູ່ຊາຍຊະນິດແຂນສັ້ນ ແລະ ບໍ່ມີດຸມ ເວລານຸ່ງສຸບເຂົ້າທາງຫົວ. 2 ນ. ໂບກໄມ້.
- ກະບາ
- ນ. ນົກແນວນຶ່ງ ເປັນນົກຫາກິນເວລາຄ່ຳແລະນອນຢູ່ກັບດິນ. 2 ນ. ຊື່ງູພິດແນວນຶ່ງ ຕົວຂະຫນາດນິ້ວມື ປາກກວ້າງ ຄື ນົກກະບາ (ເອີ້ນ ງູເພົາກະບາ ກໍມີ). 3 ນ. ຊື່ໄມ້ພຸ່ມແນວນຶ່ງ ໃບສີຫມົ່ນ ມັກເກີດຕາມບະ More…
- ກະບາກ
- ນ. ຕົ້ນໄມ້ແນວນຶ່ງ ເປັນຕົ້ນໄມ້ຂະຫນາດໃຫຍ່ ລຳຊື່ ແລະ ແກ່ນບໍ່ແຂງ (ໄມ້ບາກກໍວ່າ)
- ກະບາດ
- (ມາຈາກ ຂ້າບາດ ເບິ່ງ ຂ້າບາດ)
- ກະບານ
- ນ. ດູກຫົວ, ເຟື້ອງຫມໍ້, ຖ້ວຍຊາມ (ປ. ກປາລ)
- ກະບິ
- ຂີ້ເຫຍື້ອ ທີ່ເນົ່າຈົມຢູ່ໃນນ້ຳ (ເອີ້ນ ຂີ້ກະບິ)
- ກະບິນ
- ນ. ແບບແຜນ, ປະເພນີ, ລະບຽບ, ກະບິນເມືອງ. ນ. ປະເພນີ ຂອງປະເທດ, ກົດຫມາຍຂອງປະເທດ, ຮີດຄອງບ້ານເມືອງ: “ຮຸ່ງຄ່ຳອື້ ອາມາດຊຸມສນາມ ໂດຍເດີມກະບິນ ຊົ່ວລາງປະຖົມເຖົ້າ” (ສິນໄຊ)
- ກະບິລພັດ - ກະບິນລະພັດ
- ນ. ຊື່ເມືອງຫລວງຂອງປະເທດສັກກະ ໃນອິນເດຍ ເປັນເມືອງຂອງພຣະພຸທເຈົ້າ ໃນເວລາ ເພິ່ນບໍ່ທັນອອກບວດ (ປ. ກບິລວັດຖຸ)
- ກະບີ່
- 1 ນ. ລິງ (ປ. ກບິ) 2 ນ. ດາບປະດັບກຽດຕິຍົດຂອງນາຍທະຫານແລະຕຳຫລວດ.
- ກະບີ້
- ນ. ແມງແນວນຶ່ງ ປີກເປັນແຜ່ນບາງໆ ຂາຍາວກົ້ນສ້ວຍແລະຫົວໂປ (ແມງກະບີ້ ເກີດຈາກຕົວຫນ້ຽວ ຫລື ແມງງຳ ທີ່ຢູ່ໃນນ້ຳ)
- ກະບື
- ນ. ຄວາຍ
- ກະບຸກ
- ນ. ພືດແນວນຶ່ງ ຕົ້ນເປັນຈາວ ໃບແກວກ ຫົວແລະຕົ້ນມີຣົດຄັນ (ດຸກເດືອ ກໍວ່າ ເບິ່ງດຸກເດືອ ອີກ)
- ກະບຸງ
- ນ. ພາຊະນະ ສານດ້ວຍຕອກ ຫລື ຫວາຍ ສຳລັບໃສ່ເຂົ້າ ເປັນຕົ້ນ.
| ວັຈນານຸກົມພາສາລາວ ໂດຍ ມະຫາສິລາ ວີຣະວົງສ໌ | LaoDictionary.net | ວັດຈະນານຸກົມພາສາລາວ, ລາວແປລາວ, ລາວແປອັງກິດ ແລະອັງກິດແປລາວ. |
| ຄວາມເປັນມາ • ໑໐ ອັນດັບ • ສົ່ງຄຳຕິຊົມ • ເຂົ້າໃຊ້ລະບົບ |  ຂຶ້ນເທິງສຸດ |
| © ໒໐໐໙ - ໒໐໑໐ LaoDictionary.net | XHTML | CSS | ລະບົບຄຳສັບໂດຍ Glossword ໑.໘.໑໑ |