 | LaoDictionary.net | ວັດຈະນານຸກົມພາສາລາວ ເພື່ອຄົນລາວ. ເກີດເປັນຄົນລາວ ຈົ່ງຮູ້ໃຊ້ພາສາລາວ ເຮົາຄົນລາວຖ້າບໍ່ໃຊ້ພາສາລາວ ແລ້ວຄົນຜູ່ໃດຈະມາໃຊ້ ພາສາເຮົາ? |
| ຜົນການຊອກຫາ: 355 | ໜ້າທີ 5 ຈາກທັງໝົດ 18 ໜ້າ |
- ກະຕາທິການ
- ນ. ບຸນອັນຍິ່ງໃຫຍ່ ທີ່ທຳໄວ້ (ປ. ກຕາທິກາຣ)
- ກະຕາບໆ
- ວ. ອາການດືບຂຶ້ນລົງຈາກທີ່ສູງ.
- ກະຕິ
- ນ. ກະດີ (ປ. ກຸຕິ)
- ກະຕິກ
- ນ. ພາຊະນະສຳລັບໃສ່ນ້ຳເຢັນ ຫລື ນ້ຳຮ້ອນ ຮູບຕ່າງໆ (ຕິກ ກໍວ່າ)
- ກະຕິບ
- ນ. ພາຊະນະສານດ້ວຍຕອກໄມ້ ສຳລັບໃສ່ເຂົ້າ (ຕິບ ກໍວ່າ)
- ກະຕຶບ
- ນ. ເຮືອນຊັ້ນດຽວທີ່ກໍ່ດ້ວຍດິນ, ຕຶກ.
- ກະຕືກ
- ນ. ຕົວພະຍາດທີ່ປົນຢູ່ກັບອຸດຈາລະ ມີ 2 ແນວຄື: ກະຕືກແປ ຕົວແພບ ແລະຍາວ; ກະຕືກກົມ ຕົວກົມ ຄືຂີ້ກະເດືອນ.
- ກະຕູດ
- ນ. ແຜ່ນເງິນ ຫລື ຄຳ ທີ່ຂຽນຄາຖາໃສ່ ນັບຖືວ່າ ເປັນເຄື່ອງແຄ້ວຂອງຄົງ, ເຄື່ອງແຄ້ວຄົງ.
- ກະຕ່ອງ
- ນ. ເຄື່ອງສຳລັບຕັກເອົາຂອງ ສານດ້ວຍປໍປ່ານ ຫລື ໄມ້ ມີຄັນຈັບ.
- ກະຕ່ອຍ
- ນ. ພູປ່າ, ພູແນວໃບຮີ ແລະກິ່ນຂິວ ເອີ້ນ ພູກະຕ່ອຍ.
- ກະຕ່າ
- ນ. ເຄື່ອງສານດ້ວຍຕອກ ຫລື ລວດ ຮູບກົມ ມີຮວງ ຫລື ສາຍສຳລັບໃສ່ສິ່ງຂອງ.
- ກະຕ່າກວຍ
- ນ. ກະຕ່າທີ່ສານໄຂວ່ເປັນຕາຫ່າງໆ (ເບິ່ງ ກວຍ ອີກ)
- ກະຕ່າຍ
- 1 ນ. ສັດສີ່ຕີນແນວນຶ່ງ ຫູຍາວ ເປັນສັດກິນຫຍ້າ ມີ 2 ປະເພດຄື: ກະຕ່າຍປ່າ ແລະ ກະຕ່າຍບ້ານ; ກະຕ່າຍຫມໍ້ ນ. ກະຕ່າຍແນວມີຂົນສີມຸມ ແລະຕົວໃຫຍ່. 2 ນ. ເຄື່ອງສຳລັບຂູດຫມາກພ້າວ.
- ກະຕ່າຫ່າງ
- (ເບິ່ງ ກະຕ່າກວຍ)
- ກະຕ່ຳ
- ນ. ເຄື່ອງຫ້າງເອົາສັດປ່າ ເຮັດດ້ວຍໄມ້ ເປັນທ່ອນຍາວ ມີສາຍໃຍພານ ເວລາສັດຢຽບ ຫລື ພານ ສາຍໄມ້ນັ້ນ ລັ່ນລົງເຕັງ.
- ກະຕໍ
- (ເບິ່ງ ຕໍ)
- ກະຕໍ້
- ນ. ເຄື່ອງຫລິ້ນຢ່າງນຶ່ງ ເຮັດດ້ວຍຫວາຍ ຫລື ຫນັງ ຮູບມົນ ສຳລັບເຕະ ຫລື ຕົບ.
- ກະຖາ
- ນ. ຄຳເວົ້າ, ເລື່ອງ. (ປ. ກຖາ)
- ກະຖາງ
- ນ. ແອ່ງປາກກວ້າງ (ຕາພີ່ແລເບິ່ງນ້ຳ ເລີຍແຫ້ງແອ່ງກະຖາງ)
- ກະຖາພັນ
- ນ. ນິທານ, ເລື່ອງທີ່ແຕ່ງຂຶ້ນ (ປ. ກຖາພັນທ)
| ວັຈນານຸກົມພາສາລາວ ໂດຍ ມະຫາສິລາ ວີຣະວົງສ໌ | LaoDictionary.net | ວັດຈະນານຸກົມພາສາລາວ, ລາວແປລາວ, ລາວແປອັງກິດ ແລະອັງກິດແປລາວ. |
| ຄວາມເປັນມາ • ໑໐ ອັນດັບ • ສົ່ງຄຳຕິຊົມ • ເຂົ້າໃຊ້ລະບົບ |  ຂຶ້ນເທິງສຸດ |
| © ໒໐໐໙ - ໒໐໑໐ LaoDictionary.net | XHTML | CSS | ລະບົບຄຳສັບໂດຍ Glossword ໑.໘.໑໑ |