 | LaoDictionary.net | ວັດຈະນານຸກົມພາສາລາວ ເພື່ອຄົນລາວ. ເກີດເປັນຄົນລາວ ຈົ່ງຮູ້ໃຊ້ພາສາລາວ ເຮົາຄົນລາວຖ້າບໍ່ໃຊ້ພາສາລາວ ແລ້ວຄົນຜູ່ໃດຈະມາໃຊ້ ພາສາເຮົາ? |
| ຜົນການຊອກຫາ: 355 | ໜ້າທີ 4 ຈາກທັງໝົດ 18 ໜ້າ |
- ກະດຸມພີ
- ນ. ຄົນມີເງິນ (ປ. ກຸຕຸມພີ)
- ກະດຸມພີດ
- (ຄຳດຽວກັບ ກະດຸມພີ): “ເສດຖີພ້ອມ ພາມະນາກະດຸມພີດ” (ສິນໄຊ) (ປ. ກຸຕຸມພີ + ອິສ)
- ກະດຸ້ງ
- (ເບິ່ງ ສະດຸ້ງ)
- ກະດູກ
- ນ. ໂຄງຮ່າງກາຍຂອງຄົນແລະສັດ ທີ່ເປັນສ່ວນແຂງ (ດູກ ກໍວ່າ)
- ກະດົ້ງ
- ນ. ພາຊະນຳ ສານດ້ວຍໄມ້ໄຜ່ ຮູບມົນ ແລະ ແບນ ສຳລັບໃສ່ຂອງຕ່າງໆ (ດົ້ງ ກໍວ່າ)
- ກະດົ້ນ
- ນ. ອະໄວຍະວະ ບ່ອນທາງຫລັງຂອງຫົວຕໍ່ຈາກຄໍຂຶ້ນໄປ (ງ່ອນດົ້ນ ກໍວ່າ)
- ກະດຽງ
- ນ. ຜັກແນວນຶ່ງ ເກີດຕາມໄຮ່ນາ ໃນລະດູຝົນ ໃບເປັນສ້ອຍອອກຈາກລຳ ແລະກ້ານ ມີລົດຂົມ.
- ກະດຽມ
- ວ. ອາການທີ່ທຳໃຫ້ຂົນລຸກ, ອາການທີ່ພາໃຫ້ອາຍໃນໃຈ ຫລື ອາການທີ່ທຳໃຫ້ຢາກຫົວ ເພາະຖືກຫນິ່ງ.
- ກະດຽວວ່າ
- ກ. ຢຽວວ່າ, ຄຶດວ່າ, ເຂົ້າໃຈວ່າ.
- ກະດ່າງກະດາວ
- ວ. ມີສີຂາວແລະດຳສັບປົນກັນ ບໍ່ສະເຫມີກັນ, ມີສີບໍ່ສະເຫມີກັນ.
- ກະດ້າງ
- 1 ວ. ແຂງ, ຂັດແຂງ, ບໍ່ອ່ອນນ້ອມ (ໃຊ້ສຳລັບຂອງທີ່ເຄີຍອ່ອນ ແລ້ວກັບແຂງ) 2 ນ. ຊື່ເຫັດ ທີ່ເກີດຕາມຂອນ ແລະຖືກແດດຈົນແຫ້ງ (ເອີ້ນວ່າ ເຫັດກະດ້າງ)
- ກະດໍ
- 1 ນ. ອະໄວຍະວະເພດຂອງຄົນຊາຍ ແລະ ສັດຕົວຜູ້. 2 ນ. ເດືອຍທີ່ຕັ້ງຊັນຂຶ້ນ ສຳລັບມີແນວສຸບໃສ່.
- ກະດໍ້
- ວ. ໂພດ, ເຫລືອ.
- ກະຕະເວທີ
- ນ. ການຮູ້ຈັກຄຸນ ທີ່ຄົນອື່ນທຳໃຫ້ແກ່ຕົນ, ການຕອບແທນບຸນຄຸນ (ປ.)
- ກະຕັກ
- ນ. ໄມ້ແສ້ມີເຫລັກຢູ່ປາຍ ສຳລັບແທງງົວໃຫ້ເດີນໄວ (ຮຽນວ່າ ເຫລັກປະຕັກ ຫລື ເຫລັກກະຕັກ)
- ກະຕັງກະຕິ້ວ
- ນ. ຊື່ຕົ້ນໄມ້ແນວນຶ່ງ ມີຢາງ ແລະ ຢາງໃຊ້ເປັນປະໂຫຍດໄດ້ຫລາຍຢ່າງ.
- ກະຕັດ
- (ເບິ່ງ ກະໄຕ)
- ກະຕັນຍູ
- ນ. ຜູ່ຮູ້ຈັກຄຸນຂອງຜູ່ອື່ນ, ຜູ່ຕອບແທນຄຸນຜູ່ອື່ນ (ປ. ກຕັນຍູ)
- ກະຕາກ
- ກ. ສຽງໄກ່ຮ້ອງ ໃນເວລາມັນໄຂ່ ຫລື ຕື່ນຕົກໃຈ.
- ກະຕາດ
- ນ. ຝາສານລາຍຂັດ (ຝາກະຕາດຕ້ອນ)
| ວັຈນານຸກົມພາສາລາວ ໂດຍ ມະຫາສິລາ ວີຣະວົງສ໌ | LaoDictionary.net | ວັດຈະນານຸກົມພາສາລາວ, ລາວແປລາວ, ລາວແປອັງກິດ ແລະອັງກິດແປລາວ. |
| ຄວາມເປັນມາ • ໑໐ ອັນດັບ • ສົ່ງຄຳຕິຊົມ • ເຂົ້າໃຊ້ລະບົບ |  ຂຶ້ນເທິງສຸດ |
| © ໒໐໐໙ - ໒໐໑໐ LaoDictionary.net | XHTML | CSS | ລະບົບຄຳສັບໂດຍ Glossword ໑.໘.໑໑ |